| e-texts navigator |
| བོད་ཡིག |
21b1 nas ya mtshan gyi chos la bkod de/ bram ze dang / khyim bdag chen po gang dag yin pa de dag kyang bdag gi ming gis rab tu mgu par gyur na/ de bzhin gshegs pa dgra bcom pa yang dag par rdzogs pa'i sangs rgyas de gcig pu da dung
21b2 ma bgams/ rmongs par ma byas/ mgo 'khor bar ma byas kyis/ ma la bdag de bzhin gshegs pa dgra bcom pa yang dag par rdzogs pa'i sangs rgyas ga la ba der 'gro bar bya'o/ /song nas kyang bgam par bya ste/ gal
21b3 te rmongs pa'am/ mgo 'khor ba bya nus pa lta na/ de lta na yul ma ga d+hA thams cad bdag la gcig tu 'dul/ bdag gi rnyed pa dang / bkur sti yang ches stobs dang ldan par 'gyur ro snyam mo/ /de nas yang sgyu ma mkhan bzang
21b4 po sngon gyi dge ba'i rtsa bas bskul ba dang / sangs rgyas kyi mthus rgyal po'i khab kyi grong khyer chen po nas byung ste/ bya rgod kyi phung po'i ri ga la ba dang / bcom ldan 'das ga la ba der song ngo / /song nas kyang sgyu ma mkhan bzang pos
21b5 de bzhin gshegs pa nyi ma bye ba phrag 'bum pas lhag pa'i 'od zer 'bar ba/ zhal zla ba bye ba phrag 'bum pas lhag par dri ma med pa/ sku shing n+ya gro d+ha'i rgyal po ltar chu zheng gab pa/ mdzod spu nor bu dri ma med pa'i 'od dag bltar
21b6 gsal ba/ spyan pad ma dang / ud pa la sngon po kha phye ba lta bu'i bkrag yod pa/ spyi gtsug tshangs bas kyang bltar mi mthong ba/ 'khor gyi nang na gsung dbyangs yan lag drug bcu dang ldan pas chos ston pa mthong ngo / /mthong
21b7 nas kyang de'i sku de lta bu mthong / gsung gi phrin las de lta bu thos nas sems dang bar gyur cing de 'di snyam du sems te/ ma la bdag gis 'di ci thams cad mkhyen la thams cad gzigs pa dang ldan pa zhig yin nam/ 'on
21b8 te ma yin pa bgam par bya gor ma chag snyam mo/ /de nas yang sgyu ma mkhan bzang pos bcom ldan 'das kyi zhabs la mgo bos phyag 'tshal nas bgam pa'i bsam pas sang gi gdugs tshod la spyan 'dren to zhes gsol
iiif viewer powered by OpenSeadragon
Texts on this page
J320 - 'phags pa sgyu ma mkhan bzang po lung bstan pa zhes bya ba theg pa chen po'i mdo