| e-texts navigator |
| བོད་ཡིག |
21a1 'brang ba rnams dang / dge bsnyen dang / dge bsnyem ma rnams ni ma gtogs so/ /des sgyu mas rmongs par byed pa'i rig pa'i stobs bskyed pas rnyed pa dang / bkur sti dang / tshigs su bcas pa yang lhag par rnyed do/ /
21a2 sgyu ma mkhan bzang pos bcom ldan 'das kyi grags pa dang / snyan pa dang / tshigs su bcas pa lhag par mngon par 'phags te/ 'di ltar de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs
21a3 su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das de ni thams cad mkhyen pa/ thams cad gzigs pa ste/
21a4 thams cad ni mkhyen/ thams cad ni gzigs/ de bzhin gshegs pa'i stobs bcu dang ni ldan/ de bzhin gshegs pa'i mi 'jigs pa bzhi dang ni ldan/ so so yang dag par rig pa bzhi dang ni ldan/ sangs rgyas kyi chos ma
21a5 'dres pa bcwa brgyad dang ni ldan/ byams pa chen po dang / snying rje chen po dang ni ldan/ sangs rgyas kyi spyan nyams pa mi mnga' ba dang ni ldan/ spyan lnga dang ni ldan/ cho 'phrul yang brnyes te/ kun brjod pa'i cho 'phrul ni brnyes/
21a6 rjes su bstan pa'i cho 'phrul ni brnyes/ rdzu 'phrul gyi cho 'phrul ni brnyes so/ /bzhed na stong gsum gyi stong chen po'i 'jig rten gyi khams grong khyer dang bcas pa/ grong rdal dang bcas pa/ sa dang bcas pa/ 'gro ba dang bcas
21a7 pa/ ri rab dang bcas pa/ rgya mtsho'i mthas gtugs pa/ lha'i gnas dang bcas pa/ khor yug dang 'obs su bcas pa/ rtswa dang shing dang rir bcas pa 'di nam mkha' la bskal pa'am/ bskal pa bas lhag par
21a8 skra'i rtse mo'i cha shas tsam la 'dzin par mdzad do zhes thos so/ /thos nas kyang yang de 'di snyam du sems te/ yul ma ga d+hA ril kyi skye bo thams cad bdag gis 'dun par byas/ rmongs par byas/ mgo 'khor bar byas
iiif viewer powered by OpenSeadragon
Texts on this page
J320 - 'phags pa sgyu ma mkhan bzang po lung bstan pa zhes bya ba theg pa chen po'i mdo