| e-texts navigator |
| བོད་ཡིག |
20b1 bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das de ni thams cad mkhyen pa/ thams cad gzigs pa dang ldan pa ste/ thams cad
20b2 ni mkhyen/ thams cad ni gzigs/ de bzhin gshegs pa'i stobs bcu dang ni ldan/ de bzhin gshegs pa'i mi 'jigs pa bzhi dang ni ldan/ so so yang dag par rig pa bzhi dang ni ldan/ sangs rgyas kyi chos ma 'dres pa
20b3 bcwa brgyad dang ni ldan/ byams pa chen po dang / snying rje chen po dang ni ldan/ sangs rgyas kyi spyan nyams pa mi mnga' ba dang ni ldan/ spyan lnga dang ni ldan/ cho 'phrul yang brnyes te/ kun rdzong pa'i cho 'phrul ni brnyes/ rjes su
20b4 bstan pa'i cho 'phrul ni brnyes/ rdzu 'phrul gyi cho 'phrul ni brnyes so/ /bzhed na stong gsum gyi stong chen po'i 'jig rten gyi khams grong khyer dang bcas pa/ grong rdal dang bcas pa/ sa dang bcas pa/ 'gro ba dang
20b5 bcas pa/ ri rab dang bcas pa/ rgya mtsho'i mthas gtugs pa/ lha'i gnas dang bcas pa/ khor yug dang 'obs su bcas pa/ rtswa dang / shing dang rir bcas pa 'di nam mkha' la bskal pa 'am/ bskal pa bas kyang
20b6 lhag par skra'i rtse mo'i cha shas kyis 'dzin par mdzad do/ /yang de'i tshe rgyal po'i khab kyi grong khyer chen po na sgyu ma mkhan bzang po zhes bya ba bstan bcos la shin du mkhas pa/ gsang sngags la shin du mkhas pa/ bzo
20b7 dang rig pa la 'byam pa/ las kyi mtha' byas zin pa/ rab tu byed pa byas pa/ sgra grags pa/ yul ma ga d+hA na sgyu ma mkhan nam/ sgyu ma mkhan gyi slob ma ji snyed pa de dag gi mchog tu grags pa/ phul du grags pa zhig
20b8 gnas te/ des yul ma ga d+hA ril gyi skye bo'i tshogs thams cad 'dun par byas/ rmongs par byas/ mgo 'khor bar byas nas ya mtshan gyi chos la bkod de/ bden pa thob pa rnams dang / dang ba dang / chos kyi rjes su
iiif viewer powered by OpenSeadragon
Texts on this page
J320 - 'phags pa sgyu ma mkhan bzang po lung bstan pa zhes bya ba theg pa chen po'i mdo