| e-texts navigator |
| བོད་ཡིག |
52a1 po dpal gyi sde bsod nams kyi stobs/ e ma'o ngo mtshar che'o/ /de nas lha'i dbang po brgya byin lha brgya stong du ma dang thabs gcig tu byang chub sems dpa' yang dag par dga' bar byas nas rang gi gnas su song ngo / /
52a2 ri la gnas pa'i drang srong de yang 'khor lnga brgya dang byang chub sems dpa' la mngon par bstod de bsti gnas nyid du song ngo / /de nas byang chub sems dpas skye bo'i tshogs chen pos mngon par btud cing yun ring du chos kyi rgyal po
52a3 byed par gyur to/ /'dzam bu'i gling gi dman pa dang / long ba dang bkren pa dang sdug phongs pa thams cad nor gyis tshim par byas nas dge ba bcu'i las kyi lam la bzhag ste/ 'dod pa na spyod pa'i lha drug kun dga' bar byas nas
52a4 dus gzhan zhig gi tshe srog chags brgya stong du ma rnams dang de lhan cig tu dus byas te dga' ldan gyi lha'i ris su skyes so/ /bcom ldan 'das kyis bka' stsal pa/ dge slong dag de'i tshe de'i dus na rgyal po dpal gyi sde
52a5 zhes bya ba de gzhan zhig yin pa snyam du the tsom 'am yid gnyis su gyur na khyed rnams kyis de ltar mi blta'o/ /gzhan du na nga nyid de'i tshe de'i dus na rgyal po dpal gyi sde zhes bya bar gyur te/ de'i tshe rang gi lus yongs
52a6 su btang ngo / /dge slong dag de'i tshe de'i dus na rgyal po dpal gyi sde'i btsun mo rgyal ba'i 'od du gyur pa gang yin pa de ni grags 'dzin ma 'di nyid yin te/ de'i tshe de'i dus na btsun mo rgyal ba'i 'od ces bya bar gyur to/ /dge
52a7 slong dag blon po'i mchog blo gros chen por gyur pa gang yin pa de ni dge slong shA ri'i bu 'di nyid yin te/ de'i tshe de'i dus na blon po blo gros chen por gyur to/ /dge slong dag lha'i dbang po brgya byin du gyur pa gang yin pa de ni
52a8 rgyal po gzugs can snying po 'di nyid yin te/ de'i tshe de'i dus na lha'i dbang po brgya byin du gyur to/ /dge slong dag sum bcu rtsa gsum gyi lha gang yin pa de rnams ni rgyal po gzugs can snying po dang lhan cig tu bden pa mthong
iiif viewer powered by OpenSeadragon
Texts on this page
J288 - dpal gyi sde'i rtogs pa brjod pa