| e-texts navigator |
| བོད་ཡིག |
48a1 de nas byang chub sems dpa' shing mkhan de gnyis kyis sog les drud cing sog le rnon pos lus bcad pa'i tshor ba drag pos gdungs pa dang / brtan pa'i stobs dang ldan pas slong ba la byams pa'i
48a2 sems skyes nas bsams pa/ ngas 'khor ba'i skyon gyi rang bzhin shes nas brtson 'grus sra zhing brtan pa dang ldan pas lus phyogs gcig bcad pa 'di las 'di lta bu'i sdug bsngal skye na/ sems can
48a3 snga ma rnams phal cher dmyal bar skyes nas shin du sdug bsngal ba'i tshor ba rnams kyis gdungs pa lta smos kyang ci dgos/ de nas byang chub sems dpa' sems can thams cad la rjes su 'gro ba byams pa'i
48a4 sems rnam par bzhag ste/ bla na med pa yang dag par rdzogs pa'i byang chub mngon par rdzogs par sangs rgyas nas sems can rnams 'di lta bu'i sdug bsngal las thar bar bya'o zhes seng ge'i sgra bsgrags te/ sdug
48a5 bsngal drag pos gdungs pa'i rang gi sems spro bar bya ba'i phyir smras pa/ 'jig rten sdug bsngal ltos la yid khyod skyon spangs te/ /shin du brtan pa rgya che bskyed pa nyid du gyis/ /'gro ba skye rga na 'chi sdug bsngal
48a6 gyis gdungs pa'i/ /'di ni skyabs gyur yid kyis bzod nyid brtan par gyis/ /gzhan yang kye sems gang phyir 'gro kun 'khor ba yi/ /rgya mtsho las rgal rgyu yin gyis/ /de bas khyod ni gnod pa rnams/ /
48a7 mi bzod pa ni rigs ma yin/ /de ltar rang gi sems yang dag par bzhag nas sems can thams cad rjes su 'gro ba'i snying rje nye bar bzhag ste bsams pa/ kye ma'o 'khor ba na gnas pa'i sems can gyi sdug
48a8 bsngal ni kye ma mi bzad pa yin la/ 'khor ba'i sems can de rnams kyi don du 'khor ba'i sdug bsngal thams cad mnags par spro bar byas kyis sems can 'ga' yang sdug bsngal ba'i skal ba can du ma gyur
iiif viewer powered by OpenSeadragon
Texts on this page
J288 - dpal gyi sde'i rtogs pa brjod pa