| e-texts navigator |
| བོད་ཡིག |
47b1 shing mkhan de gnyis brgya byin gyi mthus kun du rmongs pas nyam thag pa'i nga ros cho nges 'debs shing skye bo'i tshogs chen pos bkag bzhin du byang chub sems dpa' rang gi lus la sog les 'dra bar brtsams so/ /de nas byang chub sems
47b2 dpa' byang chub yid la smon cing dga' ba'i yid kyis slong ba'i yid la re ba yongs su rdzogs par bya'o zhes bsams nas cang mi smra bar gnas so/ /de nas byang chub sems dpa'i lus kyi lte bar sog les bcad pa las khrag gi tshogs
47b3 chen po 'bab par gyur to/ /de nas blon po blo gros chen po 'di ltar sog les bcad pa tshor ba drag pos nyen pa'i khrag 'bab pa mthong ba dang / lha bkrongs pa ni sdug bsngal lo zhes bsams nas re thag chad par gyur te/ 'phral du brgyal nas
47b4 sa'i steng du 'gyel bar gyur to/ /nam mkha'i dkyil na gnas pa'i lha dang klu dang gnod sbyin dang dri za dang lha ma yin dang nam mkha' lding dang mi 'am ci dang / lto 'phye chen po'i tshogs rnams kyang mya ngan drag pos gdungs te ngu bar brtsams
47b5 te/ de rnams kyis ngu ba'i mchi ma blags so/ /de nas skye bo'i tshogs chen pos 'di ci zhig yin snyam nas steng du blta bar brtsams pa dang / ji tsam na lha brgya stong du ma rnams ngu bar mthong ngo / /de nas skye bo'i tshogs chen po shas
47b6 cher mya ngan drag pos gdungs te byang chub sems dpa' gnas skabs 'di lta bur shin du sdug bsngal bar mthong nas/ kyi hud lha bkrongs pa ni sdug bsngal lo zhes bsams nas kun du rmongs par gyur to/ /de nas lha'i
47b7 dbang po brgya byin de srog chags brgya stong du ma 'di rnams byang chub sems dpa'i mya ngan gyis gdungs pas shin du snying rje zhing zhum pa mthong ba dang myur bar snying rje'i yid kyis bsams pa bdag nyid che ba/ sems can
47b8 thams cad la mnyes gshin pa/ snying rje can thams cad ster ba 'di'i lus la 'di ltar tshor ba drag po'i las kun du sbyor ba ni bzang po ma yin no/ /gzhan du na da ni ji ltar srog mi 'jig par gyur pa de ltar bya'o/ /
iiif viewer powered by OpenSeadragon
Texts on this page
J288 - dpal gyi sde'i rtogs pa brjod pa