| e-texts navigator |
| བོད་ཡིག |
47a1 chub sems dpa'i rdzu 'phrul chen po skyes nas byang chub sems dpa' la dad pa chen po skyes te/ de nas cang mi smra bar gyur cing mchi ma'i dba' rlabs kyis yang dang yang du gdong khebs bzhin du bsams pa/ kyi hud
47a2 'jig rten pa 'di dag ni skal ba ngan pa ste/ myur ba nyid du chos kyi rgyal po 'dis bor bar 'gyur ro/ /kyi hud chos kyi rgyal mtshan 'gyel bar 'gyur ro/ /chos kyi sgron ma shi bar 'gyur ro/ /chos kyi sgron ma mi snang bar 'gyur ro/ /chos kyi
47a3 rnga chag par 'gyur ro/ /chos kyi rgya mtsho skams par 'gyur ro/ /chos kyi ri bo rnyil bar 'gyur ro/ /chos kyi grong khyer choms par 'gyur ro/ /chos kyi gru zhig par 'gyur ro/ /chos kyi shing phyung ba ni kyi hud sdug bsngal lo/ /'di ni 'jig
47a4 rten kun gyi pha/ /sems can kun la phan byed pa/ /dus kyi 'khor los bcom nas ni/ /rgyal po chen po med par 'gyur/ /gang phyir mi bzad dus 'dir ni/ /rnam pa stong du ma gas pa/ /snying gi bdag nyid chen po ni/ /rdo rje chen po
47a5 bzhin gyur tam/ /shis pa'i dus ni kun du 'das/ /mi bzad dus ni nye bar gnas/ /shes rab ldan mi mang po dang / /'jig rten dag kyang brlag par 'gyur/ /ji lta ji ltar mthong gyur pa'i/ /sa yi mtshan ma du ma yis/ /
47a6 nges par yun ni mi ring bar/ /rgyal po seng ge med par 'gyur/ /dri med mi yi nyi ma 'di/ /shin du rnyed dka' de nub 'gyur/ /yun mi ring bar 'jig rten 'dir/ /mi snang ba ni 'byung bar 'gyur/ /sems can kun la phan pa
47a7 yi/ /rgyal po chen po 'di med de/ /phyi nas 'jig rten mi snang na/ /su zhig 'jig rten skyong bar 'gyur/ /de nas lha'i dbang po brgya byin gyis ji lta ji ltar rmongs par byas pa de ltar mya ngan chung bar gyur nas sogs les btab par gyur
47a8 to/ /de nas byang chub sems dpas shing mkhan de gnyis la bzhin bzangs dag khyed cag gnyis sog le myur du drongs la nga'i lus kyi phyed ro smad chod cig /bram ze 'di shi bar gyur na nga'i ngal ba 'bras bu med par mi 'gyur grang / de nas
iiif viewer powered by OpenSeadragon
Texts on this page
J288 - dpal gyi sde'i rtogs pa brjod pa