| e-texts navigator |
| བོད་ཡིག |
225b1 byed de sdig la mi 'dzem/ gzugs brnyan dang mchod rten rnams khad kyis bshig /mchod pa'i yo byad phri/ de'i tshe dam pa'i chos ma nor bar spyod pa dge slong dang / khyim pa 'ga' 'ga' tsam gnas
225b2 pa de'i bsod nams kyis yul phyogs su char chu dus su 'bab cing lo legs/ mi rgyags la nad nyung zhing yul bde ba dag kyang bar 'ga' 'byung / de lta bu mi gnas pa phal cher ni sdug bsngal mi bde ba sna
225b3 tshogs 'byung / de'i dus su rgya gar dang / rgya ma yin pa'i rgyal po chen po gsum 'byung ste/ gsum la/ ya ba na dang / balhi ka dang / sha ku na dang / 'di gsum dam pa'i chos mi spyod/ dmag 'dren cing
225b4 g.yul 'gyed de/ nub dang byang gi yul khams mang po zhig 'bebs par byed de/ de nas yul khams de'i mchod rten dang gtsug lag khang la sogs pa yang bshig cing mes bsregs te/ dge 'dun gyi yo byad dang
225b5 dkon mchog gsum gyi dkor la sogs pa yang phrogs shing bcom ste/ rgyal po 'di gsum gcig la gcig gnod pa sna tshogs kyis thab mo byed de/ gsum car gyi rgyal srid mi bde bar 'gyur ro/ de'i rjes la
225b6 rgyal po de gsum nang srid gcig tu byas nas dmag mang po 'dus te rgya gar gyi yul chu bo gang gA'i tshu rol 'gan da ra dang / ma d+h+ya de sha la sogs pa'i yul phrogs nas bzung / de'i dus na chu bo gang gA'i pha rol lho phyogs
225b7 kyi rgyud na/ yul ko'u sham bi zhes bya ba'i rgyal po ma hen dra sen zhes bya ba de la sras zhig btsas te/ de'i ming ni du spra sa ha sta zhes bya ste/ smin mtshams na lcags kyi sme ba zhig yod pa/ lag pa gru mo man
225b8 chad khrag gis bskus pa zhig 'byung ngo / /de dang dus gcig tu rgyal po de'i blon po lnga brgya la yang bu khye'u lnga brgya btsa' ste/ de ril yang lag pa khrig pa man chad khrag can du byung ste/ de'i dus na rgyal po'i rta la
iiif viewer powered by OpenSeadragon
Texts on this page
J295 - 'phags pa zla ba'i snying pos zhus pa'i mdo las sangs rgyas kyi bstan pa gnas pa dang 'jig pa'i tshul lung bstan pa