| e-texts navigator |
| བོད་ཡིག |
288a1 'bru'i chang dang bcos pa'i chang bag med pa'i gnas kyi nyes dmigs ni sum bcu rtsa lnga po de dag yin par rig par bya'o/ /bcom ldan 'das kyis de skad ces bka' stsal te/ bde bar gshegs pas de skad
288a2 gsungs nas/ ston pas gzhan yang 'di skad bka' stsal to/ /srog gcod rdeg dang 'ching ba rnam spangs te/ /sems can dag la phan zhing snying brtse ba/ /bdag gi tshe skyabs dga' ba ji lta bar/ /de bzhin gzhan rnams
288a3 kyi ni srog kyang bsrung / /sdug bsngal mang pos bsags pa gzhan gyi nor/ /ma byin de la yid kyang bsam mi bya/ /'jig rten gyis mthong dga' dang bral 'gyur zhing / /gzhan yang de bzhin phan par gnas par gyis/ /gzhan gyi
288a4 bud med rgyan gyis brgyan pa dag / me lce 'bar ba bzhin du yongs spongs la/ /rang gi chung ma rnyed pas chog par byos/ /'dod rgyu dug dang 'dra ba ma spyod cig /rang gi don dang gzhan gyi don ched du/ /sus kyang shes bzhin
288a5 brdzun dag ma smra bar/ /gzhan la mi gnod gzhan la mi gdung bar/ /brtags te 'jam po'i tshig gis smra bar gyis/ /chang 'thung ba la mngon par dga' ba'i mi/ /bdag la phan dang gzhan la bde mi nus/ /rmongs dang
288a6 mdog ngan byed pa chang yin te/ /ji ltar ha la'i dug bzhin de mi btung / /srog chags mi gsod gzhan gyi nor mi 'phrog /brdzun du mi smra chang yang mi btung zhing / /gzhan gyi chung ma yid la 'ang mi 'dod pa/ /mtho ris gang
288a7 'dod khyim du 'jug pa bzhin/ /gos dkar gyon pa khyim pa rnams kyis ni/ /khyim gnas rnams kyi bslab pa 'di yin te/ /rgyal bas de gang rab tu byung rnams kyi/ /bslab gzhi'i chos ni rab tu bstan pa yin/ /
288a8 de nas dge bsnyen dga' ba can bcom ldan 'das la chos kyi rnam grangs 'di thos nas dga' zhing mgu la yi rangs te/ rab tu dga' ba dang / bde ba dang / yid bde ba skyes nas stan las langs te/ bcom ldan 'das kyi
iiif viewer powered by OpenSeadragon
Texts on this page
J274 - 'phags pa dga' ba can gyi mdo