rKTs

e-texts navigator

Volume

Page

286a₁ yongs su zhu bar sems pa gang yin pa legs so legs so/ /khyod kyi blo rgya che ste dpyod pa bzang ngo / /spobs pa dge'o/ /dga' ba can de'i phyir nyes dmigs bcu zhes bya ba'i chos kyi rnam grangs
286a₂ bshad par bya yis/ legs par rab tu nyon la yid la zung shig dang ngas khyod la bshad par bya'o/ /bcom ldan 'das legs so legs so zhes gsol nas dge bsnyen dga' ba can bcom ldan 'das la nyan pa
286a₃ dang / bcom ldan 'das kyis 'di skad ces bka' stsal to/ /dga' ba can srog gcod pa'i nyes dmigs bcu ni 'di dag yin par rig par bya ste/ bcu po dag gang zhe na/ 'di lta ste/ tshe 'di la 'khon skyed pa dang /
286a₄ skye ba gzhan rnams su yang 'khon dang rjes su 'brel par 'gyur ba dang / skye bo mang po dag gis yid mi brtan par 'gyur ba dang / sdig pa'i rmi lam mthong ba dang / bdag kyang 'jigs pa skye zhing sems can rnams
286a₅ kyang de la 'jigs pa skye ba dang / bde bar nyal yang sdug bsngal bar sad pa dang / sdig pa rnam par sems pa dang / rmongs pa dang bcas par 'chi ba'i dus byed pa dang / tshe thung bar 'gyur ba'i las byas shing
286a₆ bsags pas lus zhig ste shi nas kyang ngan song ngan 'gro log par ltung ba sems can dmyal ba dag tu skye zhing / gal te de nas shi 'phos te 'dir mi rnams dang skal ba mnyam par skyes na yang de gang dang gang du
286a₇ skyes pa de dang der tshe thung bar 'gyur zhing nad mang bar yang 'gyur te/ dga' ba can srog gcod pa'i nyes dmigs bcu po de dag yin par rig par bya'o/ /dga' ba can ma byin par len pa'i nyes dmigs bcu ni 'di dag
286a₈ yin par rig par bya ste/ bcu po dag gang zhe na 'khon chen por 'gyur ba dang / bag tsha ba chen por 'gyur ba dang / dus ma yin par 'gro bar 'gyur ba dang / phyem red kyi dus su 'gro bar 'gyur ba dang / sdig pa'i grogs

_{iiif viewer powered by OpenSeadragon}

285b - 286b

Texts on this page