| e-texts navigator |
| བོད་ཡིག |
283a1 sam/ bsod nams kyi 'bras bu 'am/ bsod nams kyi 'bras bu'i rnam par smin pa'i tshad gzung bar mi nus te/ 'on kyang bsod nams mang zhing bsod nams kyi phung po che'o zhes bya ba'i grangs su 'gro'o/ /gnas
283a2 'jog 'phags pa'i yan lag brgyad dang ldan pa la gnas pa ni de ltar 'bras bu che ba yin/ de ltar phan yon che ba yin/ de ltar mthu che ba yin/ de ltar rgya che ba yin no/ /gnas 'jog 'phags pa'i yan lag brgyad dang ldan pa'i
283a3 bsnyen gnas la nye bar gnas par gyis shig / cho 'phrul gyi phyogs la yang nan tan gyis sgrubs shig /lha dang mi rnams kyi 'dod pa la yang spyad par gyis shig /de nas bcom ldan 'das la bram ze gnas 'jog gis 'di
283a4 skad gsol to/ /kye gau ta ma 'di la skyes bu gnyis shig las de gcig gis ji srid 'tsho'i bar du sbyin pa stsal ba dang / gnyis pas kyang ji srid 'tsho'i bar du 'phags pa'i yan lag brgyad dang ldan pa'i bsnyen gnas la gnas pa de
283a5 gnyis las bcom ldan 'das khyad par gang che lags/ bcom ldan 'das kyis bka' stsal pa/ gnas 'jog 'di la 'phags pa'i yan lag brgyad dang ldan pa lta gnas pa dang / sbyin pa gnyis mnyam pa ma yin te/ gnas 'jog
283a6 dper na gang 'dzam bu'i gling 'dir dgra bcom pa/ zag pa zad pa/ bya ba byas pa/ byed pa byas pa/ khur bor ba/ bdag gi don rjes su thob pa/ srid par sbyor ba yongs su zad pa/ yang dag pa'i shes pas sems shin du rnam par
283a7 grol ba rnams kyis gang bar gyur pa de dag la gang rigs kyi bu 'am/ rigs kyi bu mo gcig gis ji srid 'tsho'i bar du 'di lta ste/ yul chen po bcu drug la ang ga dang / ma ga d+hA dang / ko sa la dang / ka shi dang / bri dzi dang / ma la
283a8 dang / pun tra dang / sreg pa dang / kA mA dang / a ban ti dang / ku ru dang / lnga len dang / bad sa dang / dpal sde dang / ya ba na dang / kam po rnams su 'di lta ste/ rin po che rdo rje dang / mar gad dang / pad ma rA ga dang / an da rnyil dang / mthon ka
iiif viewer powered by OpenSeadragon
Texts on this page
J273 - 'phags pa gnas 'jog pa'i mdo zhes bya ba