| e-texts navigator |
| བོད་ཡིག |
279a1 de nas bcom ldan 'das kyis de bzhin gshegs pa'i yon tan bstan pa'i phyir kun dga' bo la bka' stsal pa/ kun dga' bo khyod kyis 'dzam bu'i gling gi gling mthong ngam/ kye btsun pa mthong lags
279a2 so/ /kun dga' bo 'dzam bu'i gling gi gling ni zheng du ni dpag tshad bdun stong / chur yang dpag tshad bdun stong ste/ byang gi zhing ni che/ lho'i ni shing rta'i dbyibs so/ /de rigs kyi bu 'am rigs kyi bu mo dad pa can la
279a3 las rin po che sna bdun gyis bkang ste rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / phyogs bzhi'i dge slong gi
279a4 dge 'dun la 'bul bar byed pa dang / gang zhig de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i mchod rten 'jim pa las skyu ru ra tsam byed du 'jug /
279a5 srog shing khab tsam 'dzugs su 'jug /gdugs ni rgya shug gi lo ma tsam 'gebs su 'jug cing sku gzugs nas 'bru tsam byed du 'jug la/ /sku gdung yungs kar gyi 'bru tsam 'jug par byed na kun dga' bo 'di nyid
279a6 de bas bsod nams shin du mang bar nga smra'o/ /kun dga' bo 'dzam bu'i gling gi gling lta zhog gi/ kun dga' bo shar gyi lus 'phags zhes bya ba'i gling zheng du yang dpag tshad brgyad stong / chur yang dpag tshad brgyad stong kun
279a7 nas zla ba gam pa lta bu zhig yod de/ de rigs kyi bu 'am/ de rigs kyi bu mo dad pa can la las rin po che sna bdun gyis bkang ste/ rgyun du zhugs pa rnams dang / lan cig phyir 'ong ba rnams dang / phyir mi 'ong ba
279a8 rnams dang / dgra bcom pa rnams dang / rang sangs rgyas rnams dang / phyogs bzhi'i dge slong gi dge 'dun la dbul bar byed pa dang / gang zhig de bzhin gshegs pa dgra bcom pa yang dag par rjogs pa'i sangs
iiif viewer powered by OpenSeadragon
Texts on this page
J272 - khang bu brtsegs pa'i mdo