| e-texts navigator |
| བོད་ཡིག |
278b1 gnas pa'i phyir thal mo sbyar ba yang chud za bar mi 'gyur na sbyin pa la sogs pa byed pa lta smos kyang ci dgos/ kun dga' bo ltos shig /skyes bu zhig la rang gi gzar bu bkrus pa tsam 'am/ phor bu bsrus pa tsam pa
278b2 'am/ phru ldog bkrus pa tsam gang yin pa de yang yod la/ gal te de 'di snyam du/ /'di na gnas pa'i srog chags thams cad 'dis bde bar gyur snyam du sems shing gtor khung du 'bor bar byed na kun dga' bo 'on kyang
278b3 bsod nams skye ba'i sgor 'gyur bar nga smra na mir gyur pa lta smos kyang ci dgos/ kun dga' bo gsum po 'di dag ni bar gyi bskal pa dag yin no/ /gsum gang zhe na/ mtshon gyi bar gyi bskal pa dang / nad kyi bar gyi
278b4 bskal pa dang / mu ge'i bar gyi bskal pa'o/ /kun dga' bo de la gang gis nyi ma gcig cig srog gcod pa spong zhing yang dag par blangs te/ gnas par byed na de mtshon gyi bar gyi bskal par mi skye bar 'gyur ro/ /
278b5 gang zhig gis a ru ra gcig tsam yang dge 'dun la 'bul bar byed na de nad kyi bar gyi bskal par mi skye bar 'gyur ro/ /gang zhig gis zas nal tse gang tsam dge 'dun la phul na de mu ge'i bar gyi bskal par mi skye
278b6 bar 'gyur ro/ /kun dga' bo dge ba'i rtsa ba gsum po 'di dag bskyed pa ni 'khor bar zad par mi 'gyur zhing yongs su gtugs par mi 'gyur la zad mi shes pa'i mya ngan las 'das pa thob par 'gyur bar byed pa
278b7 yin no/ /gsum po gang dag ce na/ kun dga' bo sangs rgyas la dge ba'i rtsa ba bskyed pa ni 'khor bar zad par mi 'gyur zhing yongs su gtugs par mi 'gyur la zad mi shes pa'i mya ngan las 'das pa thob par byed pa
278b8 yin no/ /chos la dge ba'i rtsa ba bskyed pa dang / dge 'dun la bskyed pa ni 'khor bar zad par mi 'gyur zhing yongs su gtugs par mi 'gyur la zad mi shes pa'i mya ngan las 'das pa thob par byed pa yin no/ /
iiif viewer powered by OpenSeadragon
Texts on this page
J272 - khang bu brtsegs pa'i mdo