rKTs

e-texts navigator

Volume

Page

261b₁ chos rnams legs par mthong ba ltar/ /sil snyan yan lag lnga pas kyang / /de ltar dga' bar byed mi 'gyur/ /gang yid ting 'dzin la dga' ba/ /de dag 'dod pas rtse mi byed/ /gang zhig cung zad gdung med pa'i/ /
261b₂ skyob pa bde bar nyal bar 'gyur/ /gang yid ting 'dzin la dga' ba/ /de dag 'dod pas rtsen mi byed/ /gang zhig cung zad gdung med pa'i/ /thub pa kye ma'o dga' bar 'gyur/ /gang gi sems ni brag lta bur/ /
261b₃ rab tu g.yo ba med 'dug pa/ /chags pa'i gnas la mi chags te/ /khro ba'i gnas la 'khrug med par/ /gang yid de ltar gyur pa de/ /sdug bsngal thob par ga la 'gyur/ /skur pa mi gdab gnod mi bya/ /
261b₄ so sor thar pas bsdam par bya/ /zas kyi tshod kyang shes par bya/ /bas mtha' dgon par gnas bya zhing / /lhag pa'i sems la rnal 'byor bya/ /'di ni sangs rgyas bstan pa yin/ /sems kyi rtags la mkhas
261b₅ pa dang / /rab tu dben pa'i ro rnyed dang / /rab dran sems pa'i 'grus skyong can/ /zang zing med pa'i dga' ba myong / /gang zhig yid gzhungs dben dga' dben gnas pas/ /rtag tu rang gi lus kyis spyad lam
261b₆ dang / /smra dang yid ni srung bar byed pa de/ /mya ngan spong zhing sdug bsngal 'thob mi 'gyur/ /ma bsrungs pa yi sems dang ni/ /log par lta bas bcom pa dang / /gnyid dang rmugs pas zil non pa/ /bdud kyi
261b₇ dbang du 'gro bar 'gyur/ /de bas sems ni bsrung byas te/ /yang dag lta bas mdun bdar cing / /yang dag kun rtog spyod yul can/ /yang dag skye dang 'jig pa shes/ /gnyid dang rmugs pa zil gnon
261b₈ pa'i/ /dge slong sdug bsngal zad pa 'thob/ /bag yod sems ni srung ba dang / /sems dul yang dag sdom pa bde/ /skye dgu sems kyis bslus pa dag /gcig tu sems can dmyal bar 'tshed/ /

_{iiif viewer powered by OpenSeadragon}

261a - 262a

Texts on this page