rKTs

e-texts navigator

Volume

Page

258b₁ legs par rnam par grol rnams kyi/ /'gro ba gdags su med pa yin/ /gang zhig khong na 'khrug pa med pa dang / /gang zhig sred dang sred min las log pa/ /de dag 'jigs bral bde zhing mya ngan med/ /lhas kyang
258b₂ blta zhing bsam du med par 'gyur/ /'di na gang dag chos mang thos pa dang / /rtogs shing ci yang med pa kye re bde/ /skye bo skye bo'i lus la rab chags shing / /chung zad yod pa brlag par gyur la ltos/ /'di
258b₃ na gang dag chos mang thos pa dang / /rtogs shing ci yang med pa kye re bde/ /skye bo skye bo'i lus la rab chags shing / /chung zad yod pa brlag par gyur la ltos/ /skye bo ci med yon tan rtogs pa dang / /skye bo ci
258b₄ yang med par gyur pa bde/ /skye bo skye bo'i sems la rab chags shing / /chung zad yod pa brlag par gyur la ltos/ /skye bo ci med yon tan rtogs pa dang / /skye bo ci yang med par gyur pa bde/ /skye bo skye bo'i lus la rab
258b₅ chags shing / /chung zad yod pa brlag par gyur la ltos/ /gzhan gyi dbang gyur kun sdug ste/ /rang dbang yod pa thams cad bde/ /sbyor ba shin du spang dka' ba/ /thun mong gyur pas brlag par zad/ /zhen par gyur pa'i
258b₆ mi nang na/ /zhen pa med par gnas pa dang / /zhen pa'i nang na ma zhen pa/ /kye ma'o shin du bde bar 'tsho/ /nad kyis thebs pa'i mi nang na/ /nad med par ni gnas pa dang / /nad pa'i nang na nad med pa/ /kye ma'o shin
258b₇ du bde bar 'tsho/ /'tshe ba can gyi mi nang na/ /'tshe ba med par gnas pa dang / /'tshe ba'i nang na 'tshe med pa/ /kye ma'o shin du bde bar 'tsho/ /gnod sems can gyi mi nang na/ /gnod sems med par gnas
258b₈ pa dang / /gnod sems can nang gnod med pa/ /kye ma'o shin du bde bar 'tsho/ /sha khon can gyi mi nang na/ /sha khon med par gnas pa dang / /sha khon can nang 'khon med pa/ /kye ma'o shin du bde bar 'tsho/ /

_{iiif viewer powered by OpenSeadragon}

258a - 259a

Texts on this page