| e-texts navigator |
| བོད་ཡིག |
257b1 gtong ldan la/ /de yis 'bad rtsol byas na ni/ /lhag mthong gis ni reg par 'gyur/ /sems ni rab tu rnam dang bas/ /chos la dga' byed bde ba 'thob/ /'phags pas gsungs pa'i chos dag la/ /mkhas pa
257b2 rtag tu dga' bar byed/ /gang dag sems ni bsam gtan dga'/ /gang zhig skye med dga' ba dang / /dran pa nye bar gzhag bzhi dang / /byang chub yan lag bdun dag dang / /rdzu 'phrul rkang pa bzhi rnams dang / /
257b3 yan lag brgyad lam gang dga' ba/ /de dag chos gos 'chang ba dang / /bsod snyoms bde bar za bar byed/ /de dag ri dang nags tshal na/ /bde bar 'chag par byed pa dang / /de dag bde 'thob bde bar ni/ /mthong ba'i
257b4 chos la mya ngan 'da'/ /'khon dang 'jigs pa kun 'das shing / /'jig rten yul gyi srid las rgal/ /chos thos pa dang mthong ba dang / /dben par dga' ba bde ba ste/ /'jig rten srog chags 'byung po la/ /'tshe med
257b5 yang dag sdom pa bde/ /'dod pa rnams las rab 'das shing / /'jig rten 'dod chags bral ba bde/ /nga'o snyam pa'i nga rgyal dag /btul ba de dag mchog tu bde/ /rgas khar tshul khrims ldan pa bde/ /dad la rab tu
257b6 gnas pa bde/ /don ldan tshig la dga' ba bde/ /sdig pa mi byed pa dag bde/ /'jig rten na ni phar 'dzin bde/ /de bzhin mar yang 'dzin pa bde/ /'jig rten dge sbyong 'dzin pa bde/ /de bzhin bram zer 'dzin
257b7 pa bde/ /sangs rgyas rnams ni 'byung ba bde/ /de bzhin chos rnams bstan pa bde/ /dge 'dun rnams ni 'thun pa bde/ /'thun pa rnams kyi dka' thub bde/ /tshul khrims ldan pa mthong ba bde/ /mang du thos pa
257b8 mthong ba bde/ /yang srid rnam par grol ba yi/ /dgra bcom pa dag mthong ba bde/ /'jug ngogs bde ba'i chu klung bde/ /chos kyis rgyal ba'i skye bo bde/ /shes rab thob par gyur pa bde/ /nga 'o nga rgyal zad
iiif viewer powered by OpenSeadragon
Texts on this page
J266 - ched du brjod pa'i tshoms