rKTs

e-texts navigator

Volume

Page

253a₁ 'gyur/ ji srid bzang po ma smin pa/ /de srid bzang po sdig par mthong / /gang tshe bzang po smin gyur pa/ /de tshe bzang por mthong bar 'gyur/ /sdig pa sdug bsngal sogs pas na/ /de la dga' bar mi bya'o/ /brgya la
253a₂ sdig pa byas na yang / /yang dang yang du de mi bya/ /bsod nams bde ba sogs pas na/ /de nyid la ni dga' bar bya/ /gal te bsod nams byas na yang / /de ni yang dang yang du bya/ /sdig la yid ni mngon dga' ba/ /bsod nams
253a₃ dal bus byed 'gyur bas/ /sdig pa las ni sems bzlog cing / /bsod nams mngon par smyur te bya/ /sdig pa chung ngu byas pas kyang / /'jig rten pha rol 'jig chen dang / /phung khrol chen po byed 'gyur te/ /khong par song ba
253a₄ 'i dug bzhin no/ /bsod nams chung ngu byas pas kyang / /'jig rten pha rol bde bar 'dren/ /don chen dag kyang byed 'gyur te/ /'bru rnams phun sum 'byor ba bzhin/ /gang zhig nyes med chad pas gcod/ /sdang ba min la
253a₅ rab sdang ba/ /gnas gzhan gang yang rung ba bcu/ /myur du thob pa kho nar 'gyur/ /tshor ba mi bzad pa dag gam/ /yang na lus ni 'dral ba 'am/ /gnod pa'i tshor ba tsha ba'ang rung / /yang na sems 'khrugs thob par
253a₆ 'gyur/ /gnyen 'dun rnams dang bral ba 'am/ /longs spyod zad par 'gyur ba 'am/ /rgyal po'i gnod pa 'byung ba 'am/ /mi snyan shin du mi bzad dam/ /yang na khyim ni me chen pos/ /nges par sreg par byed par 'gyur/ /
253a₇ shes rab 'chal ba lus zhig nas/ /bcu pa ngan 'gror 'gro bar 'gyur/ /sdig pa byas pas bag dbab mi bya ste/ /ring byas rgyang mar byas kyang bag mi dbab/ /dben par byas kyang bag dbab mi bya ste/ /de yi rnam
253a₈ smin yod pas bag mi dbab/ /bsod nams byas pas bag ni dbab bya ste/ /ring byas rgyang ring byas kyang bag dbab cing / /dben par byas kyang bag ni dbab par bya/ /de yi rnam smin yod pas bag dbab bo/ /

_{iiif viewer powered by OpenSeadragon}

252b - 253b

Texts on this page