rKTs

e-texts navigator

Volume

Page

252b₁ 'gyur legs par 'gyur/ /nye bar zhi zhing rab zhi la/ /dal bus smra zhing khengs med pa/ /sdig pa'i chos rnams sprug byed de/ /rlung gis ljon shing lo ma bzhin/ /gang zhig skyes bu dag cing nyon mongs med/ /rab tu sdang med
252b₂ mi la khro byed pa'i/ /byis pa de la sdig pa phyir 'gog ste/ /rdzi phyogs su ni rdul rnams gtor ba bzhin/ /dge ba byed pas dge ba dang / /sdig pa byed pas sdig pa ste/ /mi yis gang dang gang byas pa/ /de de rang gis
252b₃ mthong bar 'gyur/ /bdag gis sdig pa byas na ni/ /de bdag kho na kun nyon mongs/ /bdag gis sdig pa ma byas na/ /bdag nyid kho na rnam par dag /gzhan gyis gzhan spyod mi byed kyi/ /dag dang ma dag rang rang byed/ /
252b₄ bdag nyid kyis ni sdig pa dag /byas shing nye bar bsags pa yis/ /bsam brlag mngon du 'joms par byed/ /rdo rjes nor bu 'bigs pa bzhin/ /mig ldan 'gro bar byed pa yis/ /nyam nga'i lam dag ji lta bar/ /
252b₅ mkhas pas 'tsho ba'i 'jig rten 'dir/ /sdig pa dag ni yongs su spang / /nor chen gyis ni grogs nyung dang / /tshong pas 'jigs bcas lam dang ni/ /gson par 'dod pas dug lta bur/ /mkhas pas sdig can yongs
252b₆ su spang / /gal te lag mthil rma med na/ /lag pas dug ni bzung byas kyang / /rma med dug ni mi 'jen ltar/ /ma byas pa la sdig pa med/ /bdag la mi phan bya ba dang / /legs pa ma yin bya bar sla/ /gang dag
252b₇ phan zhing bder 'gyur ba/ /de ni mchog tu bya bar dka'/ /dam pas legs pa bya sla yi/ /dam pas sdig pa bya bar dka'/ /ngan pas sdig pa bya sla yi/ /'phags pas sdig pa bya bar dka'/ /ji srid sdig pa ma smin
252b₈ pa/ /de srid byis pa mngar bar sems/ /gang tshe sdig pa smin gyur pa/ /de tshe de ni tsha bar sems/ /ji srid sdig pa ma smin pa/ /de srid sdig pa rung bar lta/ /gang tshe sdig pa smin gyur pa/ /de tshe sdig pa mthong bar

_{iiif viewer powered by OpenSeadragon}

252a - 253a

Texts on this page