rKTs

e-texts navigator

Volume

Page

250b₁ mthong ldan pa nyung / /rgya las shor ba'i bya lta bur/ /mtho ris la dga' shas tsam zhig /byis pa lus kyis bcings gyur pa/ /mun pa'i 'khor gyis bskor ba yin/ /'jig rten nor la chags pa dag /
250b₂ gzhan rdzas lta bur lta bar byed/ /bdag gis skye dgu 'di phyung zhing / /gzhan gyis byas so snyam sems pa/ /bden pa min la bden lta bas/ /ci yang mthong bar mi 'gyur ro/ /de ni 'gas kyang mi mthong zhing / /
250b₃ zug rngu mthong bar mi 'gyur ro/ /yul sred gang la skye bo chags pa yi/ /zug rngu de dag sngon chad mthong ba dag /de ni bdag gis byas snyam mi 'dzin cing / /de ni gzhan gyis byas snyam mi 'dzin to/ /skye dgu
250b₄ 'di dag nga rgyal ldan/ /nga rgyal la chags nga rgyal bcings/ /rtsod par gyur pa'i lta ba can/ /'khor ba ldog par mi 'gyur ro/ /thob par gyur pa gang yin dang / /thob par bya ba gang yin pa/ /de dag gnyi ga rdul
250b₅ gyis yog / rjes su nad pa slob par byed/ /gang zhig tshul khrims dang / bslab pa dang / brtul zhugs dang / tshangs par spyod pa dang / dka' thub dang / nye bar gnas pa snying por byed pa de ni mtha' gcig go/ /
250b₆ gang zhig de ltar lta zhing 'di skad ces 'dod pa ni gtsang ba'o/ /'dod pa ni bsod nyams can no/ /'dod pa ni longs spyad par bya ba'o/ /'dod pa ni skyon med pa yin no zhes smra zhing de dag lhag par 'dod pa rnams su
250b₇ lhung bar byed pa'i brtul zhugs len pa 'di yang mtha' gcig go/ /mtha' gnyis po 'di dag ni dur khrod 'phel bar byed pa ste/ 'di dag gis dur khrod 'phel bar byas so/ /mtha' gnyis po 'di dag ma
250b₈ mthong ba kha cig zhen par byed cing / kha cig mngon par rgyug par byed la/ de dag lhag par zhen par byed cing lhag par rgyug par byed pa dag mig dang ldan pas mthong ngo / /mtha' gnyis po 'di dag mthong

_{iiif viewer powered by OpenSeadragon}

250a - 251a

Texts on this page