| e-texts navigator |
| བོད་ཡིག |
250a1 ma yin/ 'di lta bu 'di ni sdug bsngal gyi mtha' yin no/ /sa dang chu dang me dang rlung / /gang la'ang gnas pa ma yin pa/ /de la dkar pos gsal mi byed/ /de la mun pa 'ang yod ma yin/ /de la zla bas snang mi byed/
250a2 de la nyi mas mngon mi byed/ /thub pa bram ze gang yin pa/ /des ni rang gis rig pa yin/ /de ni gzugs dang gzugs med dang / /sdug bsngal kun las rab tu grol/ /mthar phyin 'jigs pa med pa ste/ /rlom
250a3 med 'gyod pa med pa yin/ /srid pa'i zug rngu gtubs pa ste/ /lus kyi tha mar gyur pa yin/ /'di ni mthar phyin rnams kyi mchog /zhi ba'i go 'phang bla med pa/ /mtshan ma thams cad zad pa ste/ /byang grol go
250a4 'phang 'chi med yin/ /mtshungs dang mi mtshungs 'byung ba yi/ /'du byed thub pas rab tu spangs/ /nang du mnyam bzhag dga' ba yis/ /sgo nga'i sbubs ni dral nas byung / /sbyin kun chos kyi sbyin pas thub/ /
250a5 dga' kun chos kyi dga' bas thub/ /stobs kun bzod pa'i stobs kyis thub/ /bde kun sred pa zad pas thub/ /mya ngan las 'das pa'i tshoms te nyi shu rtsa drug pa'o// // bdag las gzhan pa'i skyon dag
250a6 ni/ /phub ma gtor ba ji bzhin du/ /gzhan gyi skyon mthong sla ba ste/ /rang gi skyon ni mthong bar dka'/ /g.yo can cho lo 'jo ba ltar/ /rang gi de ni sbed pa dang / /gzhan gyi skyon la lta byed cing / /rtag tu 'phyas long
250a7 'du shes can/ /de yis ring du chos mi mthong / /g.yon phyogs chos ni rab tu 'phel/ /spyi rdol byed cing 'phrog rlom can/ /mi gtsang las ldan khwa lta bu/ /shin du nyon mongs 'tsho ba can/ /
250a8 ngo tsha med pa'i 'tsho ba sla/ /rtag tu gtsang ma tshol ba dang / /thub chod mi byed 'dzem bag can/ /'tsho ba dag pa lta ba yi/ /ngo tsha shes pa'i 'tsho ba dka'/ /'jig rten mun par gyur 'di ste/ /de las lhag
iiif viewer powered by OpenSeadragon
Texts on this page
J266 - ched du brjod pa'i tshoms