rKTs

e-texts navigator

Volume

Page

248b₁ bdag gis phar ni ma byas dang / /'khar ba'i snod la ma brdungs ltar/ /'di ltar 'thab mo mi 'gyung zhing / /mya ngan 'das pa thob par 'gyur/ /nad med rnyed pa'i dam pa ste/ /chog shes pa ni nor gyi dbyig /
248b₂ yid gcugs bshes pa'i mchog yin te/ /mya ngan 'das pa bde ba'i phul/ /'du byed sdug bsngal ma rungs pa/ /nad kyi nang na bkres mi bzad/ /de ltar ji bzhin shes na ni/ /mya ngan 'das pa mchog tu
248b₃ 'gyur/ /bde 'gror 'gro ba nyung zad de/ /ngan 'gror 'gro ba bsam yas shig /de lta'i nyes dmigs rtogs gyur na/ /myur du nga mya ngan 'das pa 'thob/ /bde 'gror 'gro ba rgyu dang bcas/ /ngan
248b₄ 'gror 'gro ba rgyu dang ldan/ /mya ngan 'das 'gro rgyu can te/ /de dge thams cad rgyu dang bcas/ /nags tshal mchog tu ri dgas 'gro/ /mkha' la bya rnams 'gro bar byed/ /chos la rnam par bsgoms
248b₅ 'gro ste/ /dgra bcom mya ngan 'das par 'gro/ /'di na brtson 'grus zhan pa dang / /blo chung shes pa med pa yis/ /mdud pa thams cad rab gtubs pa'i/ /mya ngan 'das pa thob mi 'gyur/ /
248b₆ khyod kyis gru 'di'i chu phyags dang / /'di ni yang bar 'gyur ba ltar/ /de bzhin zhe sdang 'dod chags spongs/ /de nas mya ngan 'das pa 'thob/ /sngon chad byung ba mi 'byung zhing / /ma byung ba dag 'byung bar
248b₇ 'gyur/ /ma byung 'byung bar mi 'gyur la/ /da ltar byung ba'ang yod ma yin/ /blta dka' mtha' med bder mi mthong / /bden pa rab rtogs shes pa dang / /sred dang dga' ba med mthong ba/ /'di 'dra 'di
248b₈ ni sdug bsngal mtha'/ /sred pa rnams ni bcad pa dang / /'dod chags rab tu spangs pa dang / /mtsho bskams nas ni mi 'bab pa/ /'di 'dra 'di ni sdug bsngal mtha'/ /lus zhig tshor ba bsil bar

_{iiif viewer powered by OpenSeadragon}

248a - 249a

Texts on this page