rKTs

e-texts navigator

Volume

Page

242b₁ khro ba med pa'i tshig smros shig /gang zhig khros la slar khro ba/ /de ni sdig pa can 'gyur bas/ /khros la slar ni ma khro dang / /thub par dka' ba'i g.yul las rgyal/ /khro ba med pas khro ba thub/ /legs pas
242b₂ legs pa ma yin thub/ /sbyin pa yis ni 'jungs pa thub/ /bden pas bden pa ma yin thub/ /dul zhing rigs pas 'tsho ba dang / /khro ba med pa ga la khro/ /yang dag shes pas rnam grol ba'i/ /mkhas
242b₃ pa rnams la khro ba med/ /khro ba med la 'tshe med la/ /'phags pa'i skye bos rtag bsten kyang / /skye bo sdig can khro ba dag /ri bo bzhin du sgur bar byed/ /gang zhig khro ba byung ba dang / /shing rta 'khyams las
242b₄ 'dzin byed de/ /'dul sbyong mkhan du ngas gsungs kyi/ /zhags 'degs skye bo phal pa yin/ /khro ba'i tshoms te nyi shu pa'o// // sdom la/ dge sbyong lam dang bkur sti dang / /'khu dang lnga pa dran pa ste/
242b₅ sil bu dag dang chu dang ni/ /me tog khro ba bcu pa'o/ /'jig rten 'di na kun rig kun zil gnon/ /'di na chos rnams kun gyis ma gos shing / /kun spangs sred zad rab tu rnam grol ba/ /nyid kyis mngon mkhyen
242b₆ pa la su yis bstan/ /de bzhin gshegs pa lha mi'i ston pa ste/ /stobs rnams kun ldan thams cad mkhyen pa nga / /byang chub brnyes nas nyid kyis rab ston pa/ /mtshungs med mnyam med nga la su yis
242b₇ bstan/ /nga ni 'jig rten dgra bcom ste/ /'jig rten dag na bla med dang / /lha dang bcas pa'i 'jig rten na/ /bdud rnams zil gnon rgyal ba nga / /nga dang 'dra ba med pas na/ /nga la slob dpon su yang med/ /
242b₈ 'jig rten 'di na gcig pu yis/ /rdzogs pa'i byang chub bla med brnyes/ /gang zhig zag pa zad brnyes pa/ /rgyal ba nga 'drar shes par gyis/ /sdig pa'i chos las nga rgyal bas/ /de bas nye 'gro nga rgyal

_{iiif viewer powered by OpenSeadragon}

242a - 243a

Texts on this page