| e-texts navigator |
| བོད་ཡིག |
242a1 skan/ /gang zhig stobs dang ldan gyur yang / /stobs chung rnams kyi bzod byed pa/ /de ni bzod pa'i mchog ces gsungs/ /nyam chung ba lta rtag tu sgur/ /gang zhig gzhan gyi dpon gyur kyang / /
242a2 stobs chung rnams kyi bzod byed pa/ /de ni bzod pa'i mchog ces gsungs/ /nyam chung ba lta rtag tu sgur/ /gzhan gyis lhag par brgyad bkag kyang / /stobs ldan gang yin bzod byed pa/ /de ni
242a3 bzod pa'i mchog ces gsungs/ /nyam chung ba lta rtag tu sgur/ /gzhan gyis lhag par smad byas kyang / /stobs ldan gang zhig bzod byed pa/ /de ni bzod pa'i mchog ces gsungs/ /nyam chung
242a4 ba lta rtag tu sgur/ /gang zhig pha rol khros rig nas/ /bdag nyid nye bar zhi byed pa/ /de ni bdag dang gzhan dag gi/ 'jigs chen dag las skyob pa yin/ /gang zhig pha rol khros rig nas/ /bdag nyid
242a5 nye bar zhi byed pa/ /de ni bdag dang gzhan dag gi/ gnyi ga'i don ni spyod pa yin/ /bdag nyid dang ni gzhan dag dang / /gnyi ga'i don ni spyod de la/ /skye bo chos la mi mkhas rnams/ /byis pa yin zhes
242a6 sems kyang sla/ /gtso bo'i tshig ni 'jigs phyir bzod byed dang / /thab zla'i tshig ni 'thab gcugs rgyu bzod pas/ /gang zhig dman pa'i tshig la bzod byed de/ /bzod pa'i mchog ces dam pas rab
242a7 tu gsungs/ /byis pa khros nas tshig rtsub dag /smras na rgyal bar 'gyur snyam sems/ /gang zhig tshig dag bzod byed pa/ /de ni rtag tu rgyal ba yin/ /bden par smra bya khro mi bya/ /slong la
242a8 chung yang sbyin par bya/ /rnam pa 'di gsum gnas kyis ni/ /lha yi gnas su 'gro bar 'gyur/ /khro ba'i zil gyis non pa'i mis/ /rang gi don kyang mi rtogs pas/ /'khor gyi nang du bag rkyong la/ /
iiif viewer powered by OpenSeadragon
Texts on this page
J266 - ched du brjod pa'i tshoms