| e-texts navigator |
| བོད་ཡིག |
236b1 bdag pham bdag pham byed pa'o zhes/ /'di gang sems la mi 'dzin pa/ /de yi 'khon ni zhi bar 'gyur/ /'di na 'khon gyis 'khon can dag /nam yang zhi bar 'gyur ba med/ /bzod pas 'khon ni zhi 'gyur ba/ /
236b2 'di ni chos kyi rang bzhin yin/ /'khon gyis 'khon can nam yang zhi mi 'gyur/ /'khon med rnams kyis 'khon ni zhi bar byed/ /sha khon zhugs pa lus can la gnod pas/ /de phyir mkhas pas 'khon par mi
236b3 bya'o/ /brtan pa legs gnas lhan cig spyad pa yi/ /grogs po mkhas pa gal te rnyed na ni/ /nyon mongs thams cad mngon par zil mnan nas/ /dran ldan dga' ba'i yid kyis de dang spyad/ /brtan pa
236b4 legs gnas lhan cig spyad pa yi/ /grogs po mkhas pa gal te ma rnyed na/ /yul 'khor yangs pa spangs pa'i rgyal po ltar/ /gcig pus spyad bya sdig pa mi bya'o/ /bdag dang 'thun par spyod pa yi/ /grogs
236b5 bzangs rnyed par ma gyur na/ /byis pa grogs su mi 'gyur bas/ /gcig pus spyod pa brtan par bya/ /byis pa grogs su mi 'gyur bas/ /gcig pu spyod par byed sla bas/ /ma tang dgon pa'i glang po ltar/ /
236b6 sems khral bskyungs te gcig pu spyad/ /'khu ba'i tshoms te bcu bzhi pa'o// // sangs rgyas kyis ni bstan pa bzhin/ /gang gi dbugs dbyung rngub dran pa/ /yongs su rdzogs par legs bsgoms pas/ /
236b7 rim gyis yongs su byang gyur te/ /sprin bral nyi ma zla ba ltar/ /'jig rten 'di na kun nas gsal/ /'greng dang 'dug dang de bzhin nyal ba dang / /lus dang de bzhin sems ni 'gyog byed cing / /dge slong
236b8 dran pa de legs 'jog pa na/ /snga phyi'i khyad par rnams ni thob par 'gyur/ /snga phyi'i khyad par rnams ni thob gyur na/ /'chi bdag rgyal pos bltar yang med par 'gro/ /lus rtogs dran pa nye bar
iiif viewer powered by OpenSeadragon
Texts on this page
J266 - ched du brjod pa'i tshoms