| e-texts navigator |
| བོད་ཡིག |
236a1 mi bya ste/ /kha zas kyis ni lus dag gnas 'gyur ba/ /de ltar rtogs la bsod snyoms dag la rgyus/ /rigs kyis phyag byas mchod pa gang yin 'di/ /zug rngu phra mo dbyung bar dka' ba ste/ /mi yis
236a2 bzod dka' bkur sti gang yin 'di/ /'dam dang 'dra bar rab tu rtogs par gyis/ /bkur sti'i tshoms te bcu gsum pa'o// // sdig pa'i las ni mi byed pa/ /'khu bya min la gang 'khu ba/ /'jig rten 'di
236a3 dang pha rol tu/ /de nyid sdig pa rnams kyi gos/ /dang por bdag ni phung byed cing / /phyi nas gzhan yang phung byed pa/ /khra yi gcan ma'i bya lta bur/ /phung zhing gzhan yang phung bar byed/ /rdeg par byed pas rdeg pa
236a4 'thob/ /'khon du 'dzin pas 'khon can mthong / /de bzhin gshe bas gshe ba ste/ /khro bar byed la khro ba 'byung / /'di gzhan dge sbyong byis pa ste/ /dam pa'i chos la mi mkhas pa/ /yongs su tshe thung 'di la yang / /
236a5 gyi na'i phyir ni 'khon par byed/ /'di ni mchog ces bsams nas su/ /so sor smra zhing 'thun 'jug pas/ /'di na dge 'dun 'byed pa'i tshe/ /ci phyir stobs med sems mi byed/ /rus pa gcog cing srog gcod
236a6 la/ /rta phyugs nor ni 'phrog pa dang / /yul 'khor 'joms par byed pa yang / /phyi nas 'jal dum byed pa ltar/ /mkhas pas brtags shing gsungs pa'i tshig /spyod yul ston par byed pa yi/ /chos 'di rnam
236a7 par shes na go/ /khyed cag ci phyir byed mi 'gyur/ /khyod ni mi mkhas lugs can te/ /kha bya yis ni rtsol byed pa/ /pha rol po dag mi shes pas/ /bdag ni 'di la brtson par byed/ /'di na mkhas pa gang yin
236a8 pa/ /de dag bzhams pa'i tshig gis zhi/ /bdag la kha zer bdag la gshe/ /bdag pham bdag pham byed pa'o zhes/ /'di gang sems la 'dzin byed pa/ /de yi 'khon ni zhi mi 'gyur/ /bdag la kha zer bdag la gshe/ /
iiif viewer powered by OpenSeadragon
Texts on this page
J266 - ched du brjod pa'i tshoms