| e-texts navigator |
| བོད་ཡིག |
234b1 'di rnam par dag par 'gyur/ /'du byed thams cad sdug bsngal bar/ /gang tshe shes rab kyis mthong ba/ /de tshe sdug bsngal las yid 'byung / /lam 'di rnam par dag par 'gyur/ /'du byed thams cad stong nyid tu/ /
234b2 gang tshe shes rab kyis mthong ba/ /de tshe sdug bsngal las yid 'byung / /lam 'di rnam par dag par 'gyur/ /'du byed thams cad bdag med par/ /gang tshe shes rab kyis mthong ba/ /de tshe sdug bsngal las yid 'byung / /
234b3 lam 'di rnam par dag par 'gyur/ /sred pa'i zug rngu gcod byed lam/ /ngas ni khyed cag rnams la bstan/ /de bzhin gshegs pa ston pa ste/ /khyed cag rnams kyis bya dgos so/ /sred pa'i zug rngu sel ba'i lam/ /
234b4 ngas ni khyed cag rnams la bstan/ /de bzhin gshegs pa ston pa ste/ /khyed cag rnams kyis bya dgos so/ /lta ba rnam par dag byed pa/ /lam 'di ma gtogs gzhan med pas/ /ting nge 'dzin la rab gnas te/ /
234b5 bdud kyi 'ching ba spang bar gyis/ /'di ni drang lam 'di ni pha rol gnon/ /mtsho la ngang pa'i srang ltar bgrod pa gcig /shAkya thub pas mnyam bzhag gang rtogs nas/ /tshogs la yang dang yang du bshad pa 'di/ /
234b6 skye shi'i mtha' rtogs phan mdzad thugs brtse bas/ /bgod pa gcig lam rab tu bstan mdzad pa'i/ /lam 'dis chu bo rnams las sngon rgal zhing / /de bzhin rgal bar 'gyur zhing rgal bar mdzad/ /shin du mthar
234b7 gtug gdul bya dag bya dang / /'khor ba'i skye shi zad par bya ba dang / /khams rnams du ma so sor rtogs bya'i phyir/ /spyan dang ldan pas lam 'di rab tu bstan/ /ji ltar chu klung gang gA'i chu rgyun zhugs/ /rgya mtsho'i nang du
234b8 'bab par 'gyur ba ltar/ /de bzhin shes rab yangs pas bstan pa'i lam/ /'di ni 'chi med thob par bya phyir 'jug /gang zhig 'byung po kun la thugs brtse bas/ /sngon chad ma thos chos kyi 'khor lo bskor/ /
iiif viewer powered by OpenSeadragon
Texts on this page
J266 - ched du brjod pa'i tshoms