| e-texts navigator |
| བོད་ཡིག |
234a1 ngan 'gror 'gro/ /sA la'i shing la 'khri shing ltar/ /gang zhig shin du khrims 'chal te/ /ji ltar rang la dgra bzhin du/ /de ni de ltar byed par 'dod/ /mgo bo skya bor gyur bar du/ /da dung rgan rabs ma chud pa/ /de ni lang tsho
234a2 gtugs pa ste/ /de ni rgan blun zhes bya'o/ /gang zhig dge dang sdig pa dag /spangs shing tshangs par spyod pa dang / /sde tshogs spangs nas spyod byed pa/ /de ni rgan rabs zhes bya'o/ /brtul zhugs med cing brdzun smra na/ /mgo bo
234a3 bregs tsam dge sbyong min/ /rmongs pa 'dod la zhugs pa dag /ji ga dge sbyong yin nam kye/ /brtul zhugs med cing brdzun smra na/ /mgo bo bregs tsam dge sbyong min/ /gang zhig sdig pa zhi gyur te/ /mkhas pas dge sbyong yin
234a4 par shes/ /brtul zhugs med cing brdzun smra na/ /mgo bo brags tsam dge sbyong min/ /gang dag sdig pa che phra dgra/ kun la brtags nas byed pa dang / /sdig pa zhi ba de dag ni/ /dge sbyong nyid ces brjod par bya/ /
234a5 sdig pa spangs pa bram ze ste/ /zhi bar byed pa dge sbyong yin/ /bdag gi dri ma rab spangs pa/ /des na rab tu byung zhes brjod/ /dge sbyong gi tshoms te bcu gcig pa'o// // gang tshe 'phags pa'i bden pa bzhi/ /
234a6 shes rab kyis ni mthong ba dang / /lam 'di rab tu shes pa yis/ /srid pa'i sred pa rab tu 'dul/ /dper na rlung gis rdul bslang ba/ /char pa bab pas zhi byed ltar/ /gang tshe shes rab kyis mthong ba/ /de tshe kun
234a7 rtog zhi bar 'gyur/ /gang zhig legs par rtogs pa yis/ /skye shi legs par zad 'gyur zhing / /'jig rten nges 'byed 'gyur ba yi/ /shes rab de ni gtso bo yin/ /bden pa'i nang na bden bzhi dang / /lam nang
234a8 yan lag brgyad pa mchog / rkang gnyis nang na mig can dang / /chos kyi nang na chags bral mchog /'du byed thams cad mi rtag par/ /gang tshe shes rab kyis mthong ba/ /de tshe sdug bsngal las yid 'byung / /lam
iiif viewer powered by OpenSeadragon
Texts on this page
J266 - ched du brjod pa'i tshoms