| e-texts navigator |
| བོད་ཡིག |
233b1 khron pa skam po ji lta bar/ /dad pa med pa bsten mi bya/ /ji ste de la yongs brkos kyang / /'dam chu dri nga 'byung bar 'gyur/ /chu mang rnam par dang ba dang / /bsil bar gyur cing rnyog med pa'i/ /mtsho la chu 'dong ji lta bar/ /shes
233b2 rab can gyis dad ldan bsten/ /chags sam ma chags kyang rung ste/ /de yis thub sku mi nges pas/ /ma dad pa dag spang bar bya/ /dad pa rnams ni nye bar bsten/ /dad pa'i tshoms te bcu pa'o// // sdom la/ mi rtag 'dod dang
233b3 sred pa dang / /bag yod de bzhin dga' ba dang / /tshul khrims legs spyod tshig dag dang / /las dang dad pa de dag bcu/ /bram zes 'dod pa rab spang zhing / /brtson 'grus kyis ni rgyun chod cig /'dod pa rab tu ma spangs par/ /
233b4 thub pa gcig gis ma thob bo/ /kun du rgyu ba zhan pa dag /nyon mongs phyir yang kun sogs pas/ /brtson 'grus brtan po kho na yis/ /bya ba de nyid byed la rag /zhan pa'i las ni ji snyed dang / /kun nas nyon mongs dka' thub
233b5 dang / /tshangs spyod yongs su ma dag de/ /don chen 'gyur snyam mi byed do/ /ji ltar mda' ni gzung nyes pas/ /lag pa chod par gyur pa ltar/ /dge slong bsrung ba bya nyes dang / /dmyal bar nye bar khrid par byed/ /ji ltar mda' ni
233b6 bzung legs pas/ /lag pa chod par mi 'gyur ltar/ /dge sbyong bsrung ba bya legs na/ /mya ngan 'das par nye bar 'dren/ /dge sbyong rnam par ma shes dang / /rgal bar dka' dang bzod dka' dang / /gang dag zhan pa 'gyod
233b7 'gyur ba'i/ /sdug bsngal mang po de dag 'byung / /yang dang yang du 'gyod pa yi/ /kun rtog dbang du 'gro ba yi/ /sems ni bzlog pa ma byas par/ /dge sbyong spyod pa ji ltar bya/ /nyes par rab byung nyes dga' ba/ /khyim 'dug
233b8 nyes rtsom byed pa dag / sdug bsngal mnyam med sten pa dag /yang srid sdug bsngal sogs par zad/ /tshem bu ngur smrig gyon pa dang / /phal cher yang dag mi sdom zhing / /sdig pa'i chos can sdig la dga'/ /sdig can de dag
iiif viewer powered by OpenSeadragon
Texts on this page
J266 - ched du brjod pa'i tshoms