| e-texts navigator |
| བོད་ཡིག |
233a1 'di na chos la legs spyod bde ba 'thob/ /bden pa kho na ro bro rnams kyi phul/ /shes rab kyis 'tsho 'tsho ba'i mchog ces gsungs/ /mya ngan 'das par 'gro ba yi/ /dgra bcom chos la dad bskyed de/ /mkhas pas
233a2 gus par mnyan na ni/ /de dang de yi shes rab 'thob/ /bag can gyis ni rgya mtsho dang / /dad pas chu bo rnams las sgrol/ /brtson 'grus kyis ni sdug bsngal spong / /shes rab kyis ni yang dag 'gyur/ /dge slong
233a3 dad pa'i grogs ldan zhing / /shes rab kyis ni gtams pa dang / /mya ngan 'das la mngon dga' bas/ /'ching ba thams cad gcod par 'gyur/ /gang gis dad dang tshul khrims dang / /shes rab nyid ni legs bsgoms
233a4 shing / /mkhas pa skyon rnams spong ba de'i/ /legs pa'i ngang tshul can zhes brjod/ /dad dang tshul khrims phun sum tshogs/ /gtong ldan 'jungs pa rnam spangs pa/ /de ni gang dang gar song ba/ /de dang der ni mchod
233a5 par 'gyur/ /mkhas gang 'tsho ba'i 'jig rten na/ /dad dang shes rab sten byed pa/ /de dag de yi nor mchog ste/ /de yi nor gzhan phal par zad/ /'phags pa lta bar 'dod pa dang / /dam chos nyan par dga' ba dang / /
233a6 ser sna'i dri ma rnam spangs pa/ /de ni dad pa can zhes bya/ /dad pa'i lam rgyags bskur bar bya/ /bsod nams chom pas dbrog mi nus/ /chom rkun 'phrog par byed pa bzlog /dge sbyong rnams kyis blangs nas
233a7 dga'/ /mkhas pa dge sbyong 'ongs pa la/ /mngon par dga' bar byed 'gyur zhing / /skye bo rnams ni ci rigs par/ /dad pa ji bzhin sbyin byed cig /gzhan gyi zas dang skom de la/ /gang zhig yid ni mi bde ba/ /
233a8 des ni nyin dang mtshan rnams su/ /ting 'dzin thob par mi 'gyur ro/ /gang gis ta la'-i mgo bcad ltar/ /de 'dra kun du gcod byed pa/ /des ni nyin dang mtshan rnams su/ /ting nge 'dzin dag thob par 'gyur/ /
iiif viewer powered by OpenSeadragon
Texts on this page
J266 - ched du brjod pa'i tshoms