| e-texts navigator |
| བོད་ཡིག |
232b1 shes par/ /sdig pa'i las ni byas pa dag /nam zhig na ni de nyid kyis/ /rnam smin tsha ba so sor sten/ /rang gi las kyis de'i 'og tu/ /me yis bsregs pa bzhin du gdungs/ /byis pa shes rab chung ngu dag /bdag la
232b2 dgra bzhin byed pa yis/ /gang zhig 'bras bu tshar 'gyur ba'i/ /sdig can las ni spyod par byed/ /gang dag byas pas gdung 'gyur zhing / /mchi mas gdong yog ngu bzhin du/ /rnam smin so sor sten pa yi/ /las de dag ni
232b3 ma byas legs/ /gang zhig byas na mi gdung zhing / /dga' zhing yid ni bde ba yis/ /rnam smin so sor sten pa yi/ /las de dag ni byas na legs/ /bdag nyid bde ba 'dod pa'i phyir/ /rgod bzhin sdig pa'i las
232b4 byas pa'i/ /sdig pa'i las de'i rnam smin dag /ngu bzhin nyams su myong bar 'gyur/ /nges par sdig las 'phral du ni/ /'o ma lta bur 'gyur mi byed/ /thal bas g.yogs pa'i me lta bur/ /des ni byis pa sreg
232b5 par byed/ /sdig las 'phral du nges par ni/ /mtshon bzhin gcod par mi byed kyang / /sdig pa'i las kyi 'gro ba dag /pha rol du ni mngon par 'gyur/ /gang du de dag rnam smin ni/ /tsha ba so sor sten pa yi/ /
232b6 sdig pa'i las kyi 'gro ba dag /pha rol du ni shes par 'gyur/ /lcags las g.ya' ni langs gyur pa/ /langs pa des ni de nyid za/ /de bzhin ma brtags byas pa yi/ /rang gi las kyis ngan 'gror 'gro/ /
232b7 las kyi tshoms te dgu pa'o// // dad dang ngo tsha tshul khrims sbyin pa ste/ /chos 'di rnams ni skyes bu dam pas bstags/ /'di yis lha yi 'jig rten 'gro 'gyur zhing / /lam 'di nyid kyis lha yul 'gro zhes gsungs/
232b8 'jungs rnams lha yi 'jig rten mi 'gro zhing / /de yis byis pa sbyin pa'i basbags mi rjod/ /brtan rnams sbyin la rjes su yi rang ba/ /des ni de dag gzhan du bde ba myong / /'di na skyes bu'i nor mchog dad pa ste/ /
iiif viewer powered by OpenSeadragon
Texts on this page
J266 - ched du brjod pa'i tshoms