rKTs

e-texts navigator

Volume

Page

231a₁ par bya/ /lus kyi dge ba rnams bya zhing / /ngag dang yid kyis byas na ni/ /'di dang pha rol dag tu yang / /rtag tu bde ba thob par 'gyur/ /rtag tu lus ni bsdams pa'i phyir/ /thub pa 'tshe ba med pa yin/ /de ni 'chi
231a₂ med gnas 'gro zhing / /gang du song zhing mya ngan med/ /rtag tu ngag ni bsdams pa'i phyir/ /thub pa 'tshe ba med pa yin/ /de ni 'chi med gnas 'gro zhing / /gang du song na'ang mya ngan med/ /rtag tu yid ni bsdams pa'i phyir/ /
231a₃ thub pa 'tshe ba med pa yin/ /de ni 'chi med gnas 'gro zhing / /gang du song na'ang mya ngan med/ /brtan pa rnams kyis lus bsdam zhing / /brtan pa rnams kyis ngag kyang bsdam/ /brtan pa rnams kyis yid bsdam zhing / /
231a₄ brtan pas kun du bsdams byas na/ /de dag 'chi med gnas 'gro zhing / /gang du song yang mya ngan med/ /lus kyi sdom pa legs pa ste/ /ngag gi sdom pa'ang legs pa yin/ /yid kyi sdom pa'ang legs pa ste/ /thams
231a₅ cad tu ni bsdams pa legs/ /kun du bsdams pa'i dge slong ni/ /sdug bsngal kun las rnam par 'grol/ /ngag rnams bsrung zhing yid ni legs bsdams te/ /lus kyis mi dge ba dag spyad mi bya/ /
231a₆ las lam gsum po 'di dag rnam sbyangs na/ /drang srong gsungs pa'i lam ni thob par 'gyur/ /legs par spyad pa'i tshoms te bdun pa'o// // gang dag byas bzhin ma byas zer ba dang / /brdzun du smra
231a₇ la dmyal bar 'gro bar 'gyur/ /mi de gnyis ka 'dra ba pha rol du/ /song nas dman pa'i chos dang ldan par 'gyur/ /skyes bu skyes pa'i kha nas ni/ /tshig ngan smra bar byed pa yi/ /tshig gi sta re skyes gyur nas/ /
231a₈ bdag nyid gcod par byed par 'gyur/ /gang zhig smad 'os skye bo stod byed dang / /bstod 'os skye bo rnam par smad byed pa/ /de ni kha yis 'thab khrol kun sogs shing / /'thab khrol can gang des ni bde mi

_{iiif viewer powered by OpenSeadragon}

230b - 231b

Texts on this page