| e-texts navigator |
| བོད་ཡིག |
229b1 phyogs rnams kun du sems kyis yongs brtags kyang / /bdag las ches sdug 'ga' yang ma mthong ba/ /de ltar so sor gzhan la 'ang rang sdug pas/ /de phyir bdag dgas gzhan la gnod mi bya/ /thams cad
229b2 la yang srog 'di sdug / thams cad chad pas 'jigs pa na/ /rang gi nyams las dpag gyis te/ /brdeg par mi bya gsad mi bya/ /rgyang thag bcad par spyugs pa'i mi/ /ring nas nye zho med 'ongs na/ /gnyen bshes
229b3 mdza' bo lhags nas su/ /a la la zhes mngon par dga'/ /de bzhin bsod nams byas pa'i mi/ /'jig rten 'di nas pha rol tu/ /phyin tshe gnyen bzhin bsod nams dag /'ongs nas mngon par dga' bar byed/ /
229b4 de bas 'jig rten pha rol gyi/ /ched tu bsod nams bsags par gyis/ /bsod nams 'jig rten pha rol du/ /lus can rnams kyi gnas su 'gyur/ /gang zhig legs spyad spyod byed pa'i/ /dge la lha rnams
229b5 stod par byed/ /'di na'ang smad par mi 'gyur la/ /mtho ris su yang dga' ba 'thob/ /chos gnas tshul khrims phun sum tshogs/ /ngo tsha shes shing bde bar smra/ /rang gi bya ba byed pa la/ /skye bo gzhan rnams dga'
229b6 bar byed/ /rang gi don ni byed pa la/ /'di ltar gzhan rnams dga' 'gyur zhing / /mthong ba'i chos la bsngags pa dang / /pha rol du yang bde 'gror 'gyur/ /gtams na gnang ba'i tshig smra dang / /mi r-igs spyod las zlog
229b7 pa la/ /dam pa rnams ni dga' bar byed/ /dam pa ma yin dga' mi 'gyur/ /de bas mchog dang mchog min pa/ /shi 'phos bral bar gyur pa na/ /dam pa ma yin dmyal bar 'gro/ /dam pa mtho ris 'gro bar
229b8 'gyur/ /sdug pa'i tshoms te lnga pa'o// // bsngags par 'gyur dang nor 'thob dang / /pha rol bde 'gror dga' 'gyur ba'i/ /bde ba gsum po don gnyer ba'i/ /mkhas pas tshul khrims bsrung bar bya/ /
iiif viewer powered by OpenSeadragon
Texts on this page
J266 - ched du brjod pa'i tshoms