| e-texts navigator |
| བོད་ཡིག |
224b1 'di dam pa ste/ /mi mchog gzhan rtogs byed cing rga mi 'gyur/ /rga ba khyod ni blun zhing ngan/ /khyod ni mi rigs byed pa ste/ /yid tu 'ong ba'i gzugs 'di yang / /khyod kyis mngon par bcom par gyur/ /gang zhig
224b2 lo ni brgyar 'tsho ba/ /de yang 'chi bdag nyid kyis khrid/ /'di dag rga bar 'gyur ba 'am/ /yang na na ba 'ang 'chi bas 'joms/ /rtag tu ldog pa med par 'gro 'gyur zhing / /nyin dang mtshan du rab tu 'jig pa
224b3 dang / /skye dang 'chi ba'i sdug bsngal dang ldan pa/ /chu tshan nang du gdungs pa'i nya dang 'dra/ /tshe 'di nyin dang mtshan mo dang / /'gro ba dang ni 'dug pa na/ /chu klung chen po'i rgyun bzhin du/ /phyir mi ldog par 'gro bar
224b4 'gyur/ /chu chung nang gi nya lta bur/ /gang zhig nyin mtshan 'da' ba yis/ /tshe 'di shin du thung 'gyur na/ /de la dga' bar byar ci yod/ /gson mtha' 'chi ba yin pa'i phyir/ /lus 'di yongs su rga ba dang / /
224b5 nad kyi tshang 'di myur 'jig cing / /snag gi tshogs kyang 'jig par 'gyur/ /kye ma lus 'di mi thogs par/ /stong zhing rnam shes dang bral nas/ /dur khrod bor ba'i mgal dum ltar/ /sa yi steng du 'gyel
224b6 bar 'gyur/ /rgyun du nad kyis mngon gdung zhing / /rtag tu mi gtsang 'dzag pa dang / /rga dang 'chi bas 'tsher 'grib pa'i/ /lus 'di dor ba cir mi rung / /myur du 'jig cing na ba dang / /rnag dang ldan pa'i
224b7 lus 'di yis/ /grub dang bde ba bla med pa/ /zhi mchog don du gnyer bar gyis/ /dgun ka dang ni dpyid ka dang / /dbyar ka 'di dag bya'o zhes/ /byis pa rnam par sems byed pas/ /bar chad mthong bar
224b8 ma gyur to/ /bu dang nor phyugs 'byor pa la/ /mi yi yid ni rnam chags pa/ /'chi bdag gis ni blangs nas 'gro/ /nyal grong chu bos 'das pa bzhin/ /'chi ba'i dus la bab pa na/ /bu rnams skyabs
iiif viewer powered by OpenSeadragon
Texts on this page
J266 - ched du brjod pa'i tshoms