| e-texts navigator |
| བོད་ཡིག |
213a1 phan yon lnga pa yin no/ /bcom ldan 'das kyis de skad ces bka' stsal pa dang / dge slong de dag bcom ldan 'das kyis gsungs pa la yi rangs te mngon par bstod do/ /'phags pa de bzhin gshegs pa'i
213a2 gzugs brnyan bzhag pa'i phan yon yang dag par bstan pa zhes bya ba'i chos kyi rnam grangs rdzogs so/ / // rgya gar gyi mkhan po d+harmA ka ra dang / lo ts+tsha ba ban de ye shes snying pos bsgyur/ ban de dpal brtsegs kyis zhu
213a3 chen bgyis te gtan la phab pa/ / rgya gar skad du/ / tsai t+ya pa dak+Shi Na gA thA/ bod skad du/ mchod rten bskor ba'i tshigs su bcad pa/ dkon mchog gsum la phyag 'tshal lo/ /shes rab
213a4 blo ldan 'jig rten na/ /chos kyi 'khor lo rjes bskor ba/ /shes rab chen po shA ri'i bus/ /ston pa la ni zhu ba zhus/ /mchod rten bskor ba bgyis pa yis/ /rnam par smin pa cir 'gyur ba/ /skal ba chen po'i
213a5 'jig rten mchog / rnam par 'dren pas bdag la gsungs/ /rdzogs pa'i sangs rgyas rkang gnyis mchog /ston pas de la bka' stsal pa/ /mchod rten bskor ba byas pa yi/ /yon tan gang yin phyogs tsam bstan/ /
213a6 mchod rten bskor ba byas pa yis/ /lha klu gnod sbyin dri za dang / /lha min mkha' lding mi 'am ci/ /lto 'phye che rnams mchod byed 'gyur/ /dal ba rnyed dka' thob gyur nas/ /skad cig gcig tsam bar du yang / /mchod rten
213a7 bskor ba byas pas ni/ /mi khom brgyad rnams spong bar 'gyur/ /mchod rten bskor ba byas pas ni/ /dran dang ldan zhing blo gros ldan/ /kha dog ldan zhing 'dzangs pa dang / /thams cad du ni mchod par 'gyur/ /mchod rten bskor ba
213a8 byas pas ni/ /lha dang de bzhin mi rnams kyis/ /tshe ring ba yang de yis 'thob/ /grags pa chen po'ang 'thob par 'gyur/ /mchod rten bskor ba byas pas ni/ /'dzam bu'i gling du rus kyi mchog /cho rigs yongs su dag par yang / /
iiif viewer powered by OpenSeadragon
Texts on this page
J260 - 'phags pa de bzhin gshegs pa'i gzugs brnyan bzhag pa'i phan yon yang dag par brjod pa zhes bya ba'i chos kyi rnam grangs
J261 - mchod rten bskor ba'i tshigs su bcad pa