| e-texts navigator |
| བོད་ཡིག |
202b1 dang lha ma yin dang dri zar bcas pa'i 'jig rten dang thams cad dang ldan pa'i 'khor de dag yi rang ste/ bcom ldan 'das kyis gsungs pa la mngon par bstod do/ /don rnam par nges pa zhes bya ba'i chos kyi rnam grangs rdzogs so// //
202b2 @#/ /rgya gar skad du/ Ar+ya ar+tha bi g+huSh+Ta nA ma d+harma par+yA ya/ bod skad du/ 'phags pa don rgyas pa zhes bya ba'i chos kyi rnam grangs/ sangs rgyas dang / byang chub sems dpa' thams cad la phyag 'tshal lo/ /
202b3 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de nas tshe dang ldan pa shA ri'i bus dge slong rnams la smras pa/
202b4 tshe dang ldan pa dag khyed la chos thog mar dge ba/ bar du dge ba/ tha mar dge ba/ don bzang po tshig 'bru bzang po/ ma 'dres pa yongs su rdzogs pa/ yongs su dag pa/ yongs su byang ba tshangs par spyod pa bstan par bya ste/
202b5 'di lta ste/ don rgyas pa zhes bya ba'i chos kyi rnam grangs rab tu bshad kyis de legs par rab tu nyon la yid la zung shig dang bshad do/ /don rgyas pa'i chos kyi rnam grangs gang zhe na/ tshe dang ldan pa dag dal ba tshogs pa
202b6 bcu gnyis po 'di dag ni 'phags pa'i chos thob par 'gyur ba ste/ 'di lta ste/ bdag gi 'byor pa dang / gzhan gyi 'byor pa dang / mi nyid dang / yul dbus su skyes pa dang / dbang po rnams ma tshang ba med pa dang / las kyi
202b7 mtha' ma btang ba nyid dang / gnas la dad par 'gyur ba dang / sangs rgyas rnams byung ba dang / dam pa'i chos bstan pa dang / chos bstan pa rnams gnas pa dang / gnas pa rnams rjes su 'jug pa dang / gzhan la
202b8 so sor snying brtse ba ste/ de ltar na tshe dang ldan pa dag dal ba tshogs pa bcu gnyis po 'di dag ni 'phags pa'i chos 'thob par 'gyur ba yin no/ /tshe dang ldan pa dag smra ba'i dge slong gtam smra bas gzhan dag
iiif viewer powered by OpenSeadragon
Texts on this page
J257 - don rnam par nges pa zhes bya ba'i chos kyi rnam grangs
J258 - 'phags pa don rgyas pa zhes bya ba'i chos kyi rnam grangs