rKTs

e-texts navigator

Volume

Page

199a₁ zad do zhes bdag nyid zhal gyis 'che ba la 'dir lha dang bcas pa dang / bdud dang tshangs par bcas pa dang tshangs pa dang bcas pa'i 'jig rten dang / dge sbyong dang bram zer bcas pa dang lha dang mi dang / lha ma yin du bcas
199a₂ pa'i skye dgu las gang gis kyang zag pa 'di dag yongs su ma zad do zhes de la rgol ba'i mtshan ma de yang dag par rjes su mi mthong ngo / /de bzhin gshegs pas mtshan ma yang dag par rjes su mi mthong bas bde ba thob cing mi
199a₃ 'jigs pa thob par gnas shing khyu mchog gi gnas su dam bcas te/ 'khor gyi nang du song nas seng ge'i sgra yang dag par sgrog cing dge sbyong dang bram ze 'am/ sus kyang chos dang 'thun par 'jig rten du ma bskor ba'i tshangs
199a₄ pa'i 'khor lo rab tu bskor ba ste/ 'di dag ni mi 'jigs pa bzhi'o/ /de la de bzhin gshegs pa'i so so yang dag par rig pa bzhi gang zhe na/ 'di lta ste/ don so so yang dag par rig pa dang / chos so so yang dag par rig pa dang /
199a₅ nges pa'i tshig so so yang dag par rig pa dang / spobs pa so so yang dag par rig pa ste/ 'di dag ni so so yang dag par rig pa bzhi'o/ /de la sangs rgyas kyi chos ma 'dres pa bcwa brgyad gang zhe na/ de bzhin gshegs pa la 'khrul pa
199a₆ med pa dang ca co med pa dang / bsnyel ba med pa dang / sems mnyam par ma bzhag pa med pa dang / tha dad pa'i 'du shes med pa dang / so sor ma brtags pa'i btang snyoms med pa dang / 'dun pa nyams pa med pa dang / brtson
199a₇ 'grus nyams pa med pa dang / dran pa nyams pa med pa dang / ting nge 'dzin nyams pa med pa dang / shes rab nyams pa med pa dang / rnam par grol ba nyams pa med pa dang / rnam par grol ba'i ye shes mthong ba nyams pa med pa dang
199a₈ 'das pa'i dus la ye shes mthong ba chags pa med cing thogs pa med pa dang / ma 'ongs pa'i dus la ye shes mthong ba chags pa med cing thogs pa med pa dang / da ltar byung ba'i dus la ye shes mthong ba chags pa med cing thogs

_{iiif viewer powered by OpenSeadragon}

198b - 199b

Texts on this page