rKTs

e-texts navigator

Volume

Page

198a₁ 'os su gyur pa/ thal mo sbyar ba'i 'os su gyur pa/ phyag bya ba'i 'os su gyur pa/ bsod nams kyi zhing bla na med pa ste/ 'jig rten gyi sbyin gnas yin no zhes dge 'dun la shes nas dad pa dang ldan pa yin/ 'phags pa
198a₂ bzhed pa'i tshul khrims rnams dang ldan pa yin te/ tshul khrims de dag ni ma nyams pa/ ma zhig pa/ ma ral pa/ 'dren mar ma gyur pa/ sra bsrer ma yin pa/ rang dbang can ma 'bags pa/ shin du rdzogs pa/ mkhas pas bsngags pa
198a₃ mkhas pa dag gis ma smad pa dag ste/ 'di dag ni rgyun du zhugs pa'i yan lag bzhi'o/ /dge slong dag de la de bzhin gshegs pa'i stobs bcu gang zhe na/ dge slong dag de la de bzhin gshegs pa ni gnas la yang gnas su yang dag
198a₄ pa ji lta ba bzhin rab tu mkhyen cing / gnas ma yin pa la yang gnas ma yin par yang dag pa ji lta ba bzhin rab tu mkhyen te/ 'di ni de bzhin gshegs pa'i stobs dang po'o/ /'das pa dang / ma 'ongs pa dang / da ltar byung ba'i las
198a₅ yang dag par 'dzin pa dang / rnam par smin pa yang dag pa ji lta ba bzhin rab tu mkhyen to/ /sems can pha rol mos pa du ma can dag gi mos pa sna tshogs yang dag pa ji lta ba bzhin rab tu mkhyen to/ /khams du ma pa'i 'jig rten
198a₆ gyi khams kyi khams sna tshogs can du yang dag pa ji lta ba bzhin rab tu mkhyen to/ /sems can gzhan dag gi dbang po mchog dang / mchog ma yin pa yang dag pa ji lta ba bzhin rab tu mkhyen to/ /thams cad du 'gro ba'i lam yang dag
198a₇ pa ji lta ba bzhin rab tu mkhyen to/ /sems can gzhan dag gi dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa rnams kyi kun nas nyon mongs pa
198a₈ dang / rnam par byang ba rnam par gzhag pa yang dag pa ji lta ba bzhin du rab tu mkhyen to/ /rnam pa dang bcas/ yul phyogs dang bcas/ rgyu ci las gyur pa dang bcas par sngon gyi gnas rnam pa du ma rjes su dran te/ skye ba gcig kyang

_{iiif viewer powered by OpenSeadragon}

197b - 198b

Texts on this page