rKTs

e-texts navigator

Volume

Page

190b₁ bsngal dang / yid mi bde ba rgyun mi 'chad par myong yang de'i 'jig rten las 'das pa'i dbang po lnga po 'di dag che ba dang / rno ba dang / myur bar 'jug pa yin no/ /lnga gang zhe na/ 'di lta ste/ dad pa'i dbang po dang / brtson 'grus kyi
190b₂ dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o/ /de'i 'jig rten las 'das pa'i dbang po lnga po 'di dag che ba dang / rno ba dang / myur bar 'jug pa'i phyir 'di lta ste/ zag pa rnams
190b₃ zad par bya ba la bar chad med pa'i ting nge 'dzin la reg pa myur ba nyid de/ 'di ni mngon par shes pa myur la dka' ba'i lam mo/ /de la mngon par shes pa bul la sla ba'i lam gang zhe na/ 'di la kha cig rang bzhin gyis 'dod
190b₄ chags kyi shas chung ba dang / zhe sdang gi shas chung ba dang / gti mug gi shas chung ba yin te/ 'dod chags kyi shas chung bas 'dod chags las byung ba'i sdug bsngal dang / yid mi bde ba rgyun mi 'chad par myong ba ma yin/
190b₅ zhe sdang gi shas chung bas zhe sdang las byung ba'i sdug bsngal dang / yid mi bde ba rgyun mi 'chad par myong ba ma yin/ gti mug gi shas chung bas gti mug las byung ba'i sdug bsngal dang / yid mi bde ba rgyun mi 'chad
190b₆ par myong ba ma yin yang de'i 'jig rten las 'das pa'i dbang po lnga po 'di dag bul ba dang / zhan pa dang / mi rno ba dang / myur bar 'jug pa ma yin no/ /lnga gang zhe na/ 'di lta ste/ dad pa'i dbang po dang / brtson 'grus kyi
190b₇ dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o/ /de dbang po lnga po 'di dag bul ba dang / zhan pa dang / mi rno ba dang / 'jug pa mi myur ba'i phyir 'di lta ste/ zag pa rnams
190b₈ zad par bya ba la bar chad med pa'i ting nge 'dzin la reg pa bul ba nyid de/ 'di ni mngon par shes pa bul la sla ba'i lam mo/ /de la mngon par shes pa myur la sla ba'i lam gang zhe na/ 'di la kha cig rang bzhin gyis 'dod chags kyi shas chung ba yin/

_{iiif viewer powered by OpenSeadragon}

190a - 191a

Texts on this page