| e-texts navigator |
| བོད་ཡིག |
182a1 phyin nas bla gab med par 'greng ste gaN DI brdungs te gaN DI'i sgra des 'dzam bu'i gling khyab par sgra grags par gyur pa na dge slong dag gis sgra thos te sems pa la zhugs pa dang / sgra 'di ni mun gyi nags
182a2 nas byung ngo snyam mo/ /de yang sngon gyi yang dag par rdzogs pa'i sangs rgyas dag gi bzhugs gnas/ rang sangs rgyas rnams kyis gnas bcas pa/ 'dod chags dang bral ba dag dang drang srong dag gi gnas su gyur pa
182a3 yin la da ltar yang de kho na btsun pa rab mthong chen po yin par go zhing shes nas mthong ste/ dgra bcom pa khri brgyad stong snyed kyis mun gyi nags su phyin te dbyar gyi gnas pa yang bcas/ tshangs pa lha'i dbang po dang /
182a4 'jig rten skyong ba de dag gis de bzhin gshegs pa'i dbu skra dang sen mo khyer te 'ongs nas dbu skra dang sen mo'i mchod rten zhig bzhengs su gsol/ gtsug lag khang zhig kyang brtsigs/ rdo rje'i gtsug lag khang du
182a5 mtshan gsol/ mi mjed kyi bdag po tshangs pa dang / 'jig rten skyong ba bzhis kyang so so nas gtsug lag khang re re bzhengs su gsol/ lo dang po la lha rnams kyis gnas bcas/ lha'i dbang po brgya byin gyis
182a6 rang gi lag nas lo gcig gi chos gos la sogs pa yo byad kyi rin sbyar/ lha'i bu mo bde sogs kyis dge slong re re zhing ras yug re re chos gos kyi rgyu yang phul/ de nas tshe dang ldan pa rab mthong chen po
182a7 gnas khang du lha'i 'khor gyis bskor te gnas bcas pa na 'di skad ces smras so/ /gnas bcas pa 'di yun ring gnas bcas par 'gyur ba'i phyir lha dang mi'i grong khyer gnas bca' ba'i phyir rgyal rigs
182a8 rtsub po zhes bya ba la sogs pa'i mi rnams la chos bstan pas yid rab tu dga' zhing dad par gyur te/ rgyal po chen po rtsub pos dkon mchog gsum la skyabs su 'gro ba byas gzhan dag kyang dad par gyur te/
iiif viewer powered by OpenSeadragon
Texts on this page
J254 - mun gyi nags tshal gyi sgo zhes bya ba'i mdo