rKTs

e-texts navigator

Volume

Page

179a₁ par bya ba'i mchog ni dge slong rab mthong yin no/ zhes bcom ldan 'das kyis bka' stsal to/ /de nas dus de nyid du mi mjed kyi bdag po tshangs pa dang / lha rnams kyi dbang po brgya byin dang / 'jig rten skyong ba bzhi
179a₂ dang / gnod sbyin gyi sde dpon chen po nyi shu rtsa brgyad dang / dri za'i rgyal po dang / grul bum gyi sde dpon chen po la sogs pa rang rang gi gnas nas song ste/ tshe dang ldan pa rab mthong chen po ga la ba der song ste phyin nas
179a₃ phyogs gcig tu 'khod de mngon du phyogs thal mo sbyar te 'di skad ces smras so/ /kye btsun pa rab mthong chen po sngon gyi bcom ldan 'das yang dag par rdzogs pa'i sangs rgyas gshegs shing bzhugs pa'i gnas/ rang sangs
179a₄ rgyas kyi bzhugs gnas/ 'dod chags dang bral ba dag gis gnas par bya ba drang srong gi gnas su gyur/ de kho na nyid nges par mkhyen nas 'das pa'i bskal pa dgu bcu rtsa gcig na yang dag par rdzogs pa'i sangs rgyas rnam par
179a₅ gzigs zhes bya ba 'jig rten du byung ste de dge slong gsal ba zhes bya ba lha dang mis mchod pa'i mchog tu gyur pa de'i gnas kyang 'di lags te/ yul dbus las byang phyogs kyi sa mtshams kyi ri dung gi lte ba zhes bya ba ni ri de la rtswa'i
179a₆ rigs dung gi lte ba 'dra ba skye bas dung gi lte ba'i ri zhes bya bar btags par gyur/ ri de dang nye ba na nags shig na klu mo e ni zhes bya ba gnas pas ai ni'i nags zhes bya bar btags par gyur/ de na phug cig yod pa dang
179a₇ nye bar shing pa ti li'i zhes bya ba skye bas pa ti li'i phug ces btags par gyur pa de nyid du bcom ldan 'das yang dag par rdzogs pa'i sangs rgyas rnam par gzigs zhes bya ba/ 'khor dgra bcom pa brgyad khri dang
179a₈ gshegs shing thabs gcig tu bzhugs par gyur/ dge slong gsal ba yang de nyid na'o/ /de nas bcom ldan 'das 'khor dang bcas pa dag kyang rim pa bzhin du mya ngan las 'das/ bstan pa nub nas rang sangs rgyas

_{iiif viewer powered by OpenSeadragon}

178b - 179b

Texts on this page