| e-texts navigator |
| བོད་ཡིག |
176b1 lha'i bu de ni sum bcu rtsa gsum gyi lha rnams kyi sde dpon te/ tsan dan zhes bya'o/ /dge slong des gsol pa/ btsun pa bdag mtshan mo bzang po'i mdo sde thos par 'tshal lo/ /bcom ldan 'das kyis bka' stsal
176b2 pa/ dge slong khyod de'i phyir legs par rab tu nyon la yid la zung shig dang / ngas khyod la bshad par bya'o/ /dge slong chos gsum dang ldan na dge slong mtshan mo bzang po'i mdo sde la gnas pa zhes bya'o/ /gsum gang zhe
176b3 na/ 'di lta ste/ 'das pa la rjes su phrad par mi byed pa dang / ma 'ongs pa la re ba med pa dang / da ltar byung ba'i chos rnams kyis mi 'phrogs par gnas pa'i chos can te/ chos gsum po de dag dang ldan na dge slong mtshan
176b4 mo bzang po'i mdo sde la gnas pa zhes bya'o/ /bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad gsung ngo / /'das la rjes su phrad mi byed/ /
176b5 ma 'ongs pa la re ba med/ /'das pa gang yin de 'gags te/ /ma 'ongs de ni ma phyin pa'o/ /gang dag da ltar byung ba'i chos/ /de dang de la rab bltas nas/ /rnam par rtog pas mi 'phrogs par/ /de dag thams cad khong du chud/ /
176b6 sang tsam shi yang su shes kyis/ /de ring nyid du brtun te bya/ /'chi bdag sde chen de dang ni/ /bdag tu bshes pa ma yin no/ /sems can kun dang srog chags kun/ /'byung po kun dang thams cad kyang / /bde ba 'ba'
176b7 shig grub gyur te/ /thams cad nyon mongs med par shog /thams cad bzang po mthong gyur te/ /gang yang sdig par ma gyur cig /de ltar gnas shing rab brtson la/ /nyin mtshan snyom las med pas na/ /de phyir mtshan
176b8 mo bzang po yi/ /mdo sde thub pas rtag tu gsungs/ /de nas bcom ldan 'das kyis sems can thams cad rjes su gzung ba'i phyir mtshan mo bzang po'i mdo 'di bshad nas 'gro lding ba'i gsang sngags kyi gzhi 'di
iiif viewer powered by OpenSeadragon
Texts on this page
J253 - 'phags pa mtshan mo bzang po zhes bya ba'i mdo