| e-texts navigator |
| བོད་ཡིག |
176a1 gnas pa 'di na bcom ldan 'das bzhugs kyis/ khyod bcom ldan 'das kyi thad du song la zhus te/ bcom ldan 'das kyis de khyod la ji ltar lung bstan pa de bzhin du zung la brtson par gyis shig ces
176a2 smras nas/ lha de de nyid du mi snang bar gyur to/ /de nas dge slong de nang par langs nas bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug
176a3 go/ /phyogs gcig tu 'dug nas dge slong des bcom ldan 'das la 'di skad ces gsol to/ /btsun pa mdang dgung rmongs nas bdag gi der lha kha dog mchog dang ldan pa zhig bdag ga la ba der mchis te/ chab ta
176a4 po ta'i 'gram thams cad snang ba rgya chen pos khyab par snang bar bgyis nas bdag la 'di skad mchi'o/ /dge slong khyod kyis mtshan mo bzang po'i mdo sde shes sam/ bdag gis de la 'di skad ces bgyis so/ /lha bdag
176a5 gis ni mtshan mo bzang po'i mdo sde ma 'tshal na/ lha khyod kyis lta mtshan mo bzang po'i mdo sde mkhyen tam mi mkhyen/ de 'di skad ces mchi'o/ /dge slong bdag gis kyang mtshan mo bzang po'i mdo sde mi shes so/ /
176a6 lha 'o na mtshan mo bzang po'i mdo sde 'tshal ba da ltar su mchis/ /de 'di skad ces mchi'o/ /rgyal po'i khab kyi 'od ma'i tshal bya ka lan da ka gnas pa na bcom ldan 'das bzhugs kyis/ khyod bcom ldan 'das kyi thad
176a7 du song la zhus te/ bcom ldan 'das kyis de khyod la ji ltar lung bstan pa de bzhin du zung la brtson par gyis shig ces smras nas/ lha de de nyid du mi snang bar gyur to/ /btsun pa bcom ldan 'das de'i slad du bdag 'di'i
176a8 don yongs su zhu'o/ /bcom ldan 'das kyis bka' stsal pa/ dge slong khyod kyis lha de shes sam/ dge slong des gsol pa/ btsun pa bdag gis lha de ma 'tshal to/ /bcom ldan 'das kyis bka' stsal pa/
iiif viewer powered by OpenSeadragon
Texts on this page
J253 - 'phags pa mtshan mo bzang po zhes bya ba'i mdo