| e-texts navigator |
| བོད་ཡིག |
175b1 rnams dang / /dgra bcom slob pa'i bden tshig gis/ /'jig rten mi phan byed pa rnams/ /grong khyer 'di ni gtong gyur cig /sems can kun dang srog chags kun/ /'byung po kun dang khyed cag kun/ /bde ba 'ba' shig
175b2 ldan gyur cig / thams cad nad rnams med par shog /kun gyis bzang rnams mthong gyur cig /gang yang sdig par ma gyur cig /'byung po gang dag 'dir ni lhags gyur cing / /sa dang bar snang dag na gnas pa
175b3 rnams/ /skye dgu rnams la rtag tu byams byed shog /nyin dang mtshan du chos kyang spyod gyur cig /'phags pa yangs pa'i grong khyer du 'jug pa'i mdo chen po/ rdzogs so// //
175b4 @#/ /rgya gar skad du/ Ar+ya b+ha dra ka ra tri nA ma sU tra/ bod skad du/ 'phags pa mtshan mo bzang po zhes bya ba'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis
175b5 thos pa dus gcig na/ bcom ldan 'das rgyal po'i khab na 'od ma'i tshal bya ka lan da ka gnas pa na bzhugs te/ de'i tshe dge slong zhig rgyal po'i khab kyi chu ta po ta'i 'gram na 'dug go/ de nas lha kha dog
175b6 mchog dang ldan pa zhig nam sros nas dge slong de ga la ba der song ste phyin nas chu ta po ta'i 'gram thams cad snang ba rgya chen pos khyab par snang bar byas te/ dge slong de la 'di skad ces smras so/ /dge slong khyod kyis mtshan
175b7 mo bzang po'i mdo sde shes sam/ des 'di skad ces smras so/ /lha bdag gis ni mtshan mo bzang po'i mdo sde ma 'tshal na/ lha khyod kyis mtshan mo bzang po'i mdo sde mkhyen tam mi mkhyen/ des 'di skad ces smras so/ /
175b8 dge slong bdag gis kyang mtshan mo bzang po'i mdo sde mi shes so/ /lha 'o na mtshan mo bzang po'i mdo sde 'tshal ba da ltar su mchis/ des 'di skad ces smras so/ /rgyal po'i khab kyi 'od ma'i tshal bya ka lan da ka
iiif viewer powered by OpenSeadragon
Texts on this page
J252 - 'phags pa yangs pa'i grong khyer du 'jug pa'i mdo chen po
J253 - 'phags pa mtshan mo bzang po zhes bya ba'i mdo