| e-texts navigator |
| བོད་ཡིག |
170a1 'tshal lo/ /'di skad bdag gis thos pa dus gcig na bcom ldan 'das mnyan du yod pa na rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de nas bcom ldan 'das kyis dge slong rnams la
170a2 bka' stsal pa/ dge slong dag 'du byed thams cad mi rtag pa dang / mi brtan pa dang / yid brtan du mi rung ba dang / yongs su 'gyur ba'i chos can te/ dge slong dag chog gis 'du byed thams cad las sems zlog shig /dge slong
170a3 dag ma chags pa dang / ma zhen pa dang / rnam par grol bar gyis shig /gang yang sems can thams cad dang / 'byung po thams cad dang / srog chags thams cad kyi gson pa'i mtha' ni 'chi ba yin zhing mthar 'chi bar
170a4 'gyur ba ste/ skyes nas 'chi bar mi 'gyur ba med do/ /gang yang khyim bdag gi rigs shing sA la chen po lta bu 'am/ bram ze'i rigs shing sA la chen po lta bu 'am/ rgyal rigs shing sA la chen po lta bu phyug pa/ nor mang ba/
170a5 longs spyod che ba/ nor bu dang / mu tig dang / bai dU r+ya dang / shang ka shi la dang / byi ru dang / gser dang / dngul dang / nor dang / longs spyod mang ba dang / 'bru dang / dbyig dang / gser dang / mdzod dang / bang ba bsags pa mang ba dang /
170a6 bran pho dang / bran mo dang / zho shas 'tsho ba mang ba dang / mdza' bshes dang / nye du dang / snag gi gnyen mtshams mang ba de dag gi gson pa'i mtha' yang 'chi bar 'gyur ba ste/ skyes nas 'chi bar mi 'gyur ba med do/ /
170a7 gang yang rgyal po rgyal rigs spyi bo nas dbang bskur ba/ yul la dbang ba/ mthu thob pa/ sa chen po'i dkyil 'khor du mngon par rgyal bas gnas pa de dag gi gson pa'i mtha' yang 'chi ba yin zhing mthar 'chi bar 'gyur
170a8 ba ste/ skyes nas 'chi bar mi 'gyur ba med do/ /gang yang drang srong nags na gnas pa rtsa ba dang / 'bras bu za zhing rtsa ba dang 'bras bu la spyod pa/ rtsa ba dang / 'bras bus 'tsho zhing gnas pa de dag gi gson pa'i mtha' yang 'chi bar
iiif viewer powered by OpenSeadragon
Texts on this page
J250 - mi rtag pa nyid kyi mdo