| e-texts navigator |
| བོད་ཡིག |
159b1 gtsang ba ni nyung ngu yang mi zhim na mang po lta ci smos/ de ltar de bzhin du nga ni srid pa mngon par sgrub pa chung ngu la yang tha na de'i skad cig tsam yang bsngags pa mi mdzad do/ /de ci'i phyir zhe na/ dge slong dag srid pa mngon par
159b2 sgrub pa ni sdug bsngal yin pa'i phyir ro/ /so so'i skye bo byis pa thos pa dang mi ldan pa de dag ni 'gro ba lnga po'i 'khor ba gang du yang dang yang du dmyal ba rnams dang / yang dang yang du dud 'gro rnams dang / yang dang yang du ngan
159b3 song ngan 'gro log par ltung ba rnams su kun du rab tu rgyug go/ /dge slong dag de lta bas na de'i phyir 'di ltar bslab par bya ste/ srid pa rgyun chad par bya ba gang yin pa la brtson par bya zhing sred pa mngon par mi bsgrub par bya'o/ /
159b4 dge slong dag khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do/ /tshe'i mtha'i mdo rdzogs s+ho// //
159b5 rgya gar gyi mkhan po bi shud d+ha sing ha dang / lo ts+tsha ba ban de dge ba'i dpal gyis bsgyur/ rgya gar gyi mkhan po bid+yA ka ra sing ha dang / zhu chen gyi lo ts+tsha ba ban de dpal brtsegs gyis zhu chen bgyis te gtan la phab pa/ /
159b6 @#/ /rgya gar skad du/ A yu bad ti ya thA kA ro pr-i ts+tshA sU tra/ bod skad du/ tshe 'pho ba ji ltar 'gyur ba zhus pa'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis
159b7 thos pa dus gcig na/ bcom ldan 'das grong khyer chen po ser skyar khyim bdag thams cad 'dul ba'i dus la bab par gzigs nas de dag dad pa bskyed par bya ba'i phyir 'khor lnga brgya dang bcas par gshegs pa las/
159b8 de'i tshe shAkya dga' skyes shes bya ba dar la bab pa/ gnyen gyi skye bo thams cad la rab tu gces pa/ mi thams cad kyis bkur ba'i gnas su gyur pa zhig tshe 'phos pa'i phung po'i drung na de'i bu dang / chung ma dang / spun dang / g.yog
iiif viewer powered by OpenSeadragon
Texts on this page
J247 - tshe'i mtha'i mdo
J248 - tshe 'pho ba ji ltar 'gyur ba zhus pa'i mdo