| e-texts navigator |
| བོད་ཡིག |
152a1 chags pa yin no/ /yo byad bsnyungs pa nyid dang / 'dis chog pa nyid ni gti mug med pa nyid yin no/ /de la ma chags pas ni spang ba'i gzhi bcu gsum la chags pa sel la/ gti mug med pas ni
152a2 gzhi de dag nyid la nyes dmigs mi shes pa sel to/ /yang ci spyod pa'i gang zag rnams sbyangs pa'i yon tan sten par dga' zhe na/ 'dod chags spyod pa dang / gti mug spyod pa sbyangs pa'i yon tan sten par dga'i/ zhe
152a3 sdang spyod pa ni ma yin no/ /ci'i phyir 'dod chags spyod pa dang / gti mug spyod pa sbyangs pa'i yon tan sten gyi/ zhe sdang spyod pa'i ma yin zhe na/ sbyangs pa'i yon tan sten pa ni/ bsgrub dka' ba yin pas 'dod chags spyod pa
152a4 bsgrub dka' ba la brten nas 'dod chags rnam par gnon par 'gyur la/ gti mug spyod pa yang sbyangs pa'i yon tan sten pa yang dag par blangs pa yo byad bsnyungs pa la brten nas rtag tu bag yod par 'gyur zhing bag
152a5 yod na gti mug rnam par gnon par 'gyur ro/ /de lta bas na 'dod chags spyod pa dang / gti mug spyod pa sbyangs pa'i yon tan sten par dga'i/ /zhe sdang spyod pa ni sgrub dka' na mkhris pa'i nad la drod bag byin pa bzhin du
152a6 phyir zhe sdang skye bar 'gyur te/ de lta bas na zhe sdang spyod pa ni sbyangs pa'i yon tan bsten par dka' ba yin no/ /gzhan dag na re zhe sdang spyod pa ni dgon pa pa nyid dang / shing drung pa nyid dga'o/ /de ci'i phyir zhe na/ dgon pa dang / shing
152a7 drung na gnas na de dag tu mi 'dod pas gtse ba'i nyes pa med pa'i phyir ro zhes zer ro/ /sbyangs pa'i yan lag ni dus kyi mthar thug pa ni du zhig ces bya ba ni/ sbyangs pa'i yan lag gsum po shing drung pa nyid dang / bla gab med pa
152a8 nyid dang / dur khrod pa nyid ni zla ba brgyad kyi mthar thug par bya ste/ dbyar ni g.yogs par gnas par bcom ldan 'das kyis gnang ngo / /ci sbyangs pa de nyid sbyangs pa smra ba yang de yin nam zhes bya ba ni sbyangs pa yin la sbyangs pa smra
iiif viewer powered by OpenSeadragon
Texts on this page
J246 - rnam par grol ba'i lam las sbyangs pa'i yon tan bstan pa zhes bya ba