rKTs

e-texts navigator

Volume

Page

151a₁ bslang ba'i chad dam/ chos mnyan pa'i ched dam/ gso sbyong 'am/ dgag dbye 'am/ na ba 'am/
151a₂ nad pa'i bya ba 'am/ mngon par mi shes pa'i mdo kun chub par bya ba 'am/ gzhan yang de lta bu'i rkyen yod na skabs phye
151a₃ bas grong mthar gnas par bya ste/ dgon pa pa nyid 'jig par mi 'gyur ro/ /shing drung pa nyid skabs phye ba ni rkyen de lta bu 'am/ khyim du zhugs pa las char gyis non na/ de nyid du skya rengs shar yang shing drung pa nyid nyams par mi 'gyur
151a₄ ro/ /dgon pa pa'i skabs phye ba ji snyed pa ni shing drung pa nyid dang / bla gab med pa nyid dang / dur khrod pa nyid la yang blta bar bya'o/ /gzhi ji bzhin pa nyid kyi skabs phye bas ni rkyen de lta bu yod la gzhan gyis gnas mal rnyed na
151a₅ rjes su gnang ngo / /cog pu pa la ni skabs phye ba med do/ /kha cig na re sna'i dpyad byed na skabs phye bar bya ste/ cog pu pa nyid nyams par mi 'gyur ro zhes zer ro/ /sbyangs pa'i yon tan bcu gsum po de dag ni mdor bsdus na
151a₆ brgyad kho nar 'gyur te/ chos mngon pa las ji skad du sbyangs pa'i yon tan ni brgyad do zhes 'byung ba lta bu'o/ /gal te de ji lta bu yin zhe na/ zas chog pa pa nyid dang / stan gcig pa nyid ni zas phyis mi len pa nyid kyi nang du 'du
151a₇ bar 'gyur ro/ /de ci'i phyir zhe na/ gzung ba'i mtha' ba'i bdag nyid kyi rang skal cig len pa yin te/ de lta bas na zas chog pa pa nyid kyi nang du 'du bar 'gyur ro/ /yang lan gnyis su mi za ste/ de lta bas na stan gcig pa
151a₈ nyid du 'du bar 'gyur ro/ /shing drung pa nyid dang / bla gab med pa nyid dang / dur khrod pa nyid ni dgon pa pa nyid kyi nang du 'du bar 'gyur ro/ /de ci'i phyir zhe na/ dgon pa pa ni dgon par spyil bu dang / yang thog la sogs pa byed na
151a₉ las la dga' ba nyid dang / /yongs su 'dzin pa dang / chags pa ni bdag gi cha ma yin no snyam nas shing drung ngam/ bla gab med pa 'am/ dur khrod du gnas so/ /de lta bas na brgyad kho nar 'gyur la/ brgyad po de dag kyang dgon pa

_{iiif viewer powered by OpenSeadragon}

150b - 151b

Texts on this page