rKTs

e-texts navigator

Volume

Page

149a₁ yin/ shing ji lta bu ni spang bar bya/ shing drung pa ni gang yin/ gang gis ni shing drung pa nyid 'jig ce na/ nyi ma gung gi dus su grib mas ji srid khyab pa dang / rlung med par lo ma dag ji srid du lhags pa de srid ni shing
149a₂ drung gi tshad yin no/ /shing drung pas sdong rgan dang / shing khong stong dang / shing nyen can spang bar bya'o/ /shing drung pa ni g.yogs par gnas pa spong ba yin no/ /g.yogs par gnas pas ni shing drung pa nyid 'jig go/ /
149a₃ bla gab med pa nyid ji ltar yang dag par len zhe na/ g.yogs pa dang / shing drung gi gnas tshol ba dang / yongs su bzung bas yo byad bsnyungs pa ma yin pa'i nyes dmigs kyang mthong nas 'di skad du deng slan chad g.yogs
149a₄ pa dang / shing drung du gnas pa spong ste/ bla gab med pa nyid yang dag par len to zhes yang dag par len to/ /de la bla gab med pa'i yon tan ni 'di dag yin te/ brtson pa mi gtong ba nyid dang / rmugs pa dang gnyid spang pa dang /
149a₅ ri dgas lta bu nyid dang / phyogs bzhi phyad pa dang / rten pa med pa nyid dang / skyes bu dam pa'i spyod pa nyid dang / yo byad bsnyungs pa'i tshul can te/ de lta bu la sogs pa ni bla gab med pa nyid kyi yon tan dag yin no/ /bla gab med pa
149a₆ ni gang zhig yin/ gang gis ni bla gab med pa nyid 'di 'jig ce na/ bla gab med pa ni g.yogs pa dang / shing drung du gnas pa spong ba yin no/ /g.yogs pa dang shing drung na gnas pas ni/ bla gab med pa nyid 'di 'jig go/ /dur khrod
149a₇ pa nyid ji ltar yang dag par len zhe na/ gzhan du gnas na sems yid mi 'byung ba nyid dang / bag med pa mang ba nyid kyi nyes dmigs kyang mthong / dur khrod pa nyid kyi yon tan dag kyang mthong nas 'di skad du/ deng slan chad
149a₈ gzhan du gnas pa spong ste/ dur khrod pa nyid yang dag par len to zhes yang dag par len to/ /de la dur khrod pa'i yon tan ni 'di dag yin te/ 'chi ba rjes su dran pa 'thob pa dang / mi sdug pa'i mtshan ma 'thob pa dang /

_{iiif viewer powered by OpenSeadragon}

148b - 149b

Texts on this page