rKTs

e-texts navigator

Volume

Page

148b₁ dgon par gnas pa nyid yang dag par len to zhes yang dag par len to/ /de la dgon pa pa nyid kyi yon tan ni 'di dag yin te/ mi 'dod pa'i yul yongs su spong ba nyid dang / gtam gyi gzhi bcu yang dag par ston pa dang /
148b₂ shin du mdzes pa nyid dang / lhas bskul ba nyid dang / 'du 'dzi la dga' ba don du mi gnyer ba nyid dang / dben pa'i bde ba ci 'dod pa thob pa nyid dang / sgra chung bas rnal 'byor dang 'thun pa nyid dang / skyes bu dam pa'i spyod pa
148b₃ nyid dang / yo byad bsnyungs pa'i tshul can te/ de lta bu la sogs pa ni dgon pa pa nyid kyi yon tan dag yin no/ /dgon pa pa'i gnas mal gyi mtha' ni gang yin/ dgon pa pa ni gang yin/ gang gis ni dgon pa pa nyid 'jig ce na/
148b₄ grong dang / grong gi nye 'khor dang / kun dga'i ra ba dang / kun dga'i ra ba'i nye 'khor ma gtogs pa mi 'bring gi khru bzhi la gzhu ste/ gzhu de lta bu'i gzhu lnga brgya 'di ni dgon pa'i gnas mal gyi mtha' yin no/ /dgon pa pa ni grong
148b₅ mthar gnas pa spong ba yin no/ /grong mthar gnas pas ni dgon pa pa nyid 'jig go/ /shing drung pa nyid ji ltar yang dag par len zhe na/ g.yogs par gnas pa yongs su bzung ba dang / bcos legs bya ba dang / gzhan
148b₆ la gsol ba dang / longs spyod kyi nyes dmigs dag kyang mthong / shing drung pa nyid kyi yon tan dag kyang mthong nas 'di skad du/ deng slan chad g.yogs par gnas pa spong ste/ shing drung pa nyid yang dag par len to zhes
148b₇ yang dag par len to/ /de la shing drung pa nyid kyi yon tan ni 'di dag yin te/ gnas dam bcas pa dang 'thun pa nyid dang / yo byad bsnyungs pa nyid dang / las la dga' ba yongs su spong ba nyid dang / lhas bskul ba nyid dang /
148b₈ gnas la ser sna spong ba nyid dang / chags pa rab tu gcod pa nyid dang / skyes bu dam pa'i spyod pa nyid dang / yo byad bsnyungs pa ste de lta bu la sogs pa ni shing drung pa nyid kyi yon tan dag yin no/ /shing drung gi tshad ji tsam zhig

_{iiif viewer powered by OpenSeadragon}

148a - 149a

Texts on this page