rKTs

e-texts navigator

Volume

Page

147b₁ rang gi las mi nyams pa nyid dang / reg par gnas pa nyid dang / skyes bu dam pa'i spyod pa nyid dang / yo byad bsnyungs pa'i tshul can te/ de lta bu la sogs pa ni stan gcig pa nyid kyi yon tan dag yin no/ /stan gcig pa ni du zhig /
147b₂ stan gcig pa ni gang zhig yin/ zas kyi mtha' ni gang yin/ gang gis ni stan gcig pa nyid 'di 'jig ce na/ stan gcig pa gsum ste stan gyi mtha' pa dang / chu'i mtha' pa dang / zas kyi mtha' pa'o/ /de la stan gyi mtha' pa zhes bya ba
147b₃ ni zos nas stan las langs te yang mi za ba yin no/ /chu'i mtha' pa zhes bya ba ni zos nas stan la 'dug kyang lhung bzed du chu blangs nas yang mi za ba yin no/ /zas kyi mtha' pa zhes bya ba ni za ba na kham gyi tha ma mid nas yang mi za ba
147b₄ yin no/ /stan gcig pa la ni lan gnyis su 'dug ste za ba spong ba yin no/ /zas kyi mtha' ni chu dang sman ma gtogs pa med par bya ba gang cung zad ci yang rung ba yin no/ /lan gnyis su 'dug ste za bas ni stan gcig pa nyid 'jig go/ /
147b₅ zas chog pa pa ji ltar yang dag par len ce na/ zas mang du zos na lus lci bar byed pa dang / phul skye ba dang / 'dod chen che ba nyid dang / yo byad bsnyungs pa ma yin pa'i nyes dmigs kyang mthong / zas chog pa pa nyid kyi yon tan dag kyang
147b₆ mthong nas 'di skad du deng slan chad zas mang po spong ste/ zas chog pa pa nyid yang dag par len to zhes yang dag par len to/ /de la zas chog pa pa nyid kyi yon tan ni 'di dag yin te/ phul mi skye ba nyid dang / zas kyi tshod zin pa nyid dang /
147b₇ zas mang du za ba'i gnad shes pa nyid dang / lus kyi gnas ngan len bsrabs pa dang / de la chags pa spong ba dang / gnod pa chung ba shes pa dang / kun nas ldang ba yang dag par spong ba dang / skyes bu dam pa'i spyod pa nyid dang / yo byad
147b₈ bsnyungs pa'i tshul can te/ de lta bu la sogs pa ni zas chog pa pa'i yon tan dag yin no/ /zas kyi tshad ni ji ltar 'dzin/ zas kyi chog pa pa ni gang yin/ gang gis ni zas chog pa pa 'jig ce na/ 'bras bre'u chung gang gis 'bras

_{iiif viewer powered by OpenSeadragon}

147a - 148a

Texts on this page